Tamtama 16:11 - Nupela Testamen long tokples Kandas
11 ma det watung laulau o God ra i kis sapat una langit, i kibino una labino ngunungut ma a kum laulau na inangon ra i kis un det, ikut ka det nukpukus gusun anundet a kum sakino petutna.
Ma a labino mararongino, i tun a taro, ma det watung laulau a risan o God, i ra i pitar tar a kum ukadik ri, ikut ka det nukpukus ma ka det watung ulabo pasi.
A labino bato na ais, tekteken nututu ino, a mautino i elar nama limo na noino kilogrem, i puku netes una taro. Ma a taro det watung laulau o God una ukadik na bato na ais ri, uni a ukadik ri i laulau doko.
A mugano ensel i wan ma i lingis anun a dis na kankan netes una piso. Ma a kum laulau na inangon sakit, ra det tamtama sursurin, det wanpat una taro ra a ukinalong anun a kuabor na wewegua kura un det, ma det ser lotu torom a malalarino.
Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.
