Tamtama 12:17 - Nupela Testamen long tokples Kandas

¹⁷ In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 12:17 交叉引用

Tamtama 14:12

Ra i lenra, i wakak sur a taro anun o God det in tur dekdek, det ra det ser mur a kum Warkurai anun o God, ma anundet a nurnur i tur dekdek un o Iesu.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Tamtama 6:9

Ra a Barman na Sipsip i papok ru a manlimo na bulit, a tama a nion a taro ra di sa um doko tar det, uni det mur sot pas a wasiso anun o God ma det wasiso talapor nami. A tama det utuntudu ina kabulu na tuntun etabor.

Tamtama 1:2

O Jon i wasiso talapor una kum utna rop ra i sa tama tari. Iri a kum utna ra: a wasiso anun o God, ma a wasiso talapor anun o Iesu Karisito.

Tamtama 13:7

Di pitar tar a dekdek tano sur in waim nama taro anun o God, ma in winim pas det. Di pitar tar a dekdek tano sur in warkurai a taro tagun a kum kamkabo taro rop, tagun a kum tamon rop, tagun a wur ngas na wasiso rop, ma tagun a kum gapman rop.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

1 Jon 5:10

Osi ra i nurnur una Nutun o God, i sa utur ukai a wasiso talapor anun o God unin balano. Ikut osi ra ke nurnur una wasiso talapor anun o God, i nuki lena o God a tene torotoro, uni ke nurnur una wasiso talapor anun o God un o Nutunu.

1 Jon 5:2

Ra dat nem o God, ma dat mur anun a kum warkurai, dat tasmani lena, dat nem a kum nutnutunu.

1 Jon 2:3

Ra dat mur anun a kum warkurai, dat talapor lena dat tasmani ut o God.

Tamtama 22:14

“Det ra det gos anundet a kum malu, det dan, ma i tokodos sur det in nangon tagun in nanai na nilaun, ma det in ruk una matansako ina in noworo ina tamon ra.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Tamtama 19:19

Numur a tama a kuabor na wewegua ma a kum king tagun a rakrakon bual, ma anundet a kum kunur na taro na inaim ra det wan tomo, sur det in waim nam o naro ra i kas una os tomo nama nun a kunur na taro na inaim.

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

1 Korin 2:1

A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Tamtama 12:16

Ikut a piso i warut a ino ra, i pangango ra i konom pas a danim ra in labino sui i muru ru i.