Tamtama 11:3 - Nupela Testamen long tokples Kandas

³ Ma an pitar tar a dekdek tan anung aru tene wasiso puaso un iau. Der in emar namin namalu na tobo, ma der in wasiso na poropet pas ara arip ma aru mar ma wonom na noino bung.”

Tamtama 11:3 交叉引用

Tamtama 12:6

Ma a ino i kalabor song usa una nubual kalako taro uni, una nubual ra o God i sa waninar tari, sur din tamtamabati tiro iai elar nam ara arip ma aru mar ma wonom na noino bung.

Tamtama 11:2

Ikut un madek ru a dino nago upiso nisan a rumu na etabor, gong u maki. Uni di sa pitar tari torom a taro ra awu sur a taro anun o God, ra det in pas tataun a tamon anun o God elar nama wat na noino ma aru kalang.

Tamtama 13:5

Di mulaot tar a kuabor na wewegua sur in watung a kum wasiso na uman labino ma a kum wasiso ra in watung laulau o God nami, ma in papam nam anun a warkurai a wat na noino ma aru kalang.

Aposel 13:31

Ma una susut na bung i wanan pat torom a taro ra numugu det ser wan tomo nami tagitong o Galili usapat o Jerusalem. Ra uniri, det wasiso puaso uni torom a taro Israel.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Luk 24:48

Mot a kum tene wasiso una kum utna ri mot sa tama tari.

2 Korin 13:1

Uniri a mantul na inawan ra an nan torom mot. Ma di sa tumus tari una Buk Tabu lena, “Ra lako ru o lako tul anundetul a wasiso i takai kut un tu utna, anundetul a wasiso i lingmulus.” Lo 19:15

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

A Wakak na Wasiso un o Iesu Karisito o Jon i tumusi 15:27

Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.

Matiu 18:16

Ra ken longoro ui, un ben melet pas taio o lako ru sur der in warut ui. Uni a Buk Tabu i watungi lenri, ‘Ra lako ru o lako tul anundetul a wasiso i takai kut un tu utna, anundetul a wasiso i lingmulus.’

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Tamtama 20:4

A tama a kum kiskis na king ma det ra det kis netes un det, ra di sa pitar tar a warkurai tandet sur det in warkurai. Ra a tama a nion a kum taro ra di sa tok kutus a kum kabarandet, kibino una nundet a wasiso talapor un o Iesu ma una wasiso anun o God. Ka det lotu torom a kuabor na wewegua o a malalarino, ma ka di ubek a ukinalong anun a kuabor na wewegua una kum masarindet o una kum lamandet. Det laun melet ma det warkurai tomo nam o Karisito ara arip na kilalo.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

A Wakak na Wasiso un o Iesu Karisito o Jon i tumusi 3:27

O Jon i watungi tandet lena, “Kataio in pam pas tu utna ra o God ke pitar tari tano.

Matiu 11:21

I watungi lena, “In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma o Saidon, elar nami ra a sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinindet nama kubus na sungun. Ikut mot, ka mot nukpukus.

Luk 10:13

“In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma o Saidon, elar nami ra a sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinindet nama kubus na sungun. Ikut mot, ka mot nukpukus.

Tamtama 11:6

Aru musano ri der utur ukai a dekdek, sur der in turbat a bakut, sur gong a bato i puku una du bung ra der wasiso na poropet. Der utur ukai a dekdek, sur der in keles a kum danim sur a gap, ma der in rapus a rakrakon bual nama wur ngas na ukadik rop, una iso du bung ra der nemi.