7 Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.
“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.
Ra o Iesu i watungi lena, “Iau ut ra. Ra numur mot in tama a Nutun a Musano in kis una papor sot na laman o God, i ra i dekdek sakit, ma mot in tama i ra in nanpat una kum du bakut tagisapat una langit.”
Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino.
Ra mot kis langlang sur o Nutunu, ra in nan pirso tagisapat una langit, i ra o God i sa ukatutur melet pasi gusun a minat. O naro ra, o Iesu, ra i ulaun pas dat gusun a kankan anun o God, ra in nanpat.
Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,
O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”
A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.
Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.
Ra det in rosumur gusun o God, katutaio in ben pukus lar pas det, sur det in nukpukus. Uni i elar nami ra det sak wat melet a Nutun o God unin nanai kutus, ma det ban umaimai i umatan a taro.
A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”
