O Iesu i longoro a wasiso anun o Judas, ra i watungi lena, “Madek ru a ino ri, uni i sa pam tar a pinapam ri un iau sur a bung ra an mat ma din uruk a minating una kulam na minat.
A ino ri i sa pam sot pas a utna ra i elar sur in pami. I sa lingis tar in nopolo sangsangnain ri una pining, sur in waninar mugu iau sur a bung ra an mat ma din uruk a minating una kulam na minat.
Ra det milet melet, ma det waninar pas a kum utna ra i sangsangnain wakak, ma a wel ra i sangsangnain kai. Ma una Bung na Sabat, det mana elar ut nama warkurai.
Ra a Bung na Sabat i sa rop, o Maria Magdalen, ma o Salomi ma o Maria o nan o Jems, detul kul pas a kum utna ra i sangsangnain sur detul in mar a minatin o Iesu nami.
