Luk 10:11 - Nupela Testamen long tokples Kandas

¹¹ ‘A kubus tagun anumot a tamon, ra kuri una kum kikimet, met tang melet ru i sur a utumarong torom mot. Ikut mot in tasmani lena, a matanitu anun o God i sa milau.’

Luk 10:11 交叉引用

Aposel 13:51

Ra der tang ru a kubus gusun a kum kikinder sur a ukinalong lena o God i sa rosumur gusun det. Numur der wan utong o Aikoniam.

Luk 10:9

Mot in ulangolango a kum misait tiro iai, ma mot in inanos tar a taro lena, ‘A matanitu anun o God i sa milau nisamot!’

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Aposel 13:46

Ikut ka der ngara ra der watungi lena, “A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, ‘Ka met tokodos sur met in los a nilaun tukum.’ Mot in tama i, mir in nan mo torom a taro ra awu sur a taro Juda.

Aposel 13:40

Mot in tumarong, sako a kum utna ra a kum poropet det sa wasiso taru uni in sot mo un mot. Det watungi lena,

Aposel 13:26

“A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro.

A Wakak na Wasiso un o Iesu Karisito o Mak i tumusi 6:11

Ra a taro tagun tu tamon ka det in gas pas mot, ma ka det in longoro anumot a wasiso, ra mot in nan gusun a tamon ra, mot in tang ru a kubus gusun a kikimot. Mot in tang ru a kubus sur a ukinalong na utumarong torom det.”

Matiu 10:14

Ra taio ken gas pas mot, ma ken longoro anumot a wasiso, ra mot in nan gusun anun a rumu, o a tamon ra, mot in tang ru a kubus gusun a kikimot.

A Pas anun o Pol torom a taro Rom 10:21

Ikut, una taro Israel, o Aisaia i watung a wasiso anun o God, lenri, “A kum bung rop a ser kakabo na marmaris sur det, a kum tene pitarngat, ma a kum tene rosumur.” Ais 65:2

A Pas anun o Pol torom a taro Rom 10:8

A kukurai ina wasiso ri i lenri, “A wasiso anun o God i sa milau. Kura ut uwamot, ma ubalamot kai.” Lo 30:12-14 Iri a wasiso una nurnur ra met warawai nami.

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 10:7

Ra mot nan, mot in warawai nanan lenri, ‘A matanitu tagisapat una langit i sa milau.’

Luk 9:5

Ra lako taro ka det in gas pas mot, ra mot in nan gusun anundet a tamon, mot in tang ru a kubus gusun a kikimot, sur a ukinalong na utumarong torom det.”

Luk 10:10

Ra mot in nanpat un tu tamon, ra ka di ben ruk mot, mot in tur kut una kisapi ma mot in watungi lena,