Aposel 16:40 - Nupela Testamen long tokples Kandas
40 Ra der sa pirso gusun a karabus, der wan sur a rumu anun o Lidia. Tiro iai der tama det ra det tar tistisino una nurnur ra der uragot tar det. Numur der wan.
Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.
Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”
Ra di sa palos ru o Pita ma o Jon, der milet melet torom a kum paspasan der, ra der inanos det una kum utna rop ra a kum lamlabino tene etabor torom o God ma a kum mugumugu det sa watung tari tander.
