2 Tesalonaika 2:10 - Nupela Testamen long tokples Kandas

¹⁰ Una kum ngas na sakino rop ra in pami, in toro a taro ra det wanan sur a iniru. Det in iru, uni ka det mulaot sur det in nem a lingmulusino, sur o God in ulaun det.

2 Tesalonaika 2:10 交叉引用

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

2 Pita 2:12

Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

1 Korin 16:22

Osi ra ke nem a Labino, in iru tukum. Wan urin a Labino!

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

2 Korin 11:15

Ma ka dat in kisin kai ra anun a kum tene pinapam, det in pukus pas det, sur det in tamtama elar nama kum tene pinapam anun a tokodos na petutna. Numur det in los anundet a ikul, elar ut nam anundet a sakino pinapam.

1 Timoti 2:4

I nemi sur in ulaun a taro rop, ma det in tasman a lingmulusino.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 2:15

Met elar nama utna ra a misino i sangnain wakak, ra o Karisito i etabor nami torom o God. Ma a sangnainino i wan torom det ra o God i ulaun pas det, ma torom det kai, ra det wan sur a iniru.

A Pas anun o Pol torom a taro Rom 10:1

A kum tistising, anung a labino nemnem, ma anung a niaring torom o God, sur in ulaun pas anung a taro Israel.

A Pas anun o Pol torom a taro Rom 6:17

A watung wakak torom o God, uni numugu mot a kum tene ititula anun a sakino petutna, ikut uniri mot mur a kum etowo nama balamot rop. A kum etowo ra di pitar tari tamot.

A Wakak na Wasiso un o Iesu Karisito o Jon i tumusi 5:34

Ka sibo sur lako taro det in wasiso talapor un iau, ikut a watungi lenri sur din ulaun mot.

A Wakak na Wasiso un o Iesu Karisito o Jon i tumusi 3:17

O God ke tulu tar o Nutunu urin una rakrakon bual sur in pitar a warkurai na minabalu torom a rakrakon bual. I tulu tari kut sur in ulaun a rakrakon bual.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

Ibru 3:13

Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano.

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.

2 Korin 11:13

Uni a kum musano ra, a kum torotoro na aposel, a kum torotoro na tene pinapam, ma det pukus pas det sur det in tamtama elar nama kum aposel anun o Karisito.

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

2 Tesalonaika 2:12

I mo ra, det ra ka det nurnur una lingmulusino, ma det gas kut una sakino, det rop det in iru una warkurai anun o God.

2 Tesalonaika 2:13

A kum tistisi metul, mot ra a Labino i maris mot, i wakak sur metul in ser watung wakak torom o God un mot, uni o God i sa pilok pas mot tagun a turturkibino sur in ulaun mot. I ulaun pas mot una nirurus talapor ra a Tokodos na Nion i pami un mot, ma una numot a nurnur una lingmulusino.