2 Korin 4:14 - Nupela Testamen long tokples Kandas
14 Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.
Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.
A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.
Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.
I pami lenri sur in ben pas anun a taro toromi, elar nam anun a wakak na ino ra katu dur uni, ma kalako karkar uni, ma katu sakino utna uni. In tokodos ma katu etakun in losi.
A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.
Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.
Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.
Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”
A niaring ra i wan tomo nama nurnur, in ulangolango o naro ra i misait, ma a Labino ut, in ulangolango melet pasi. Ma ra i sa pam tar a sakino petutna, a Labino in unus ru i gusuni.