2 Korin 13:11 - Nupela Testamen long tokples Kandas

¹¹ Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

2 Korin 13:11 交叉引用

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 15:33

O God, i a kibin a malmal, in kis tomo nam mot rop. Amen.

A Pas anun o Pol torom a taro Rom 12:18

Ra i topas mot, mot in dekdek sur mot in kis na malmal nama taro rop.

A Wakak na Wasiso un o Iesu Karisito o Mak i tumusi 9:50

A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”

1 Pita 3:11

In tupukus gusun a sakino ma in pam a wakak na petutna. In sisio sur a kisapi na malmal ma in dekdek pasi sur in muri.

2 Korin 13:14

A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

Jems 1:4

Ra mot in tur dekdek, mot in tokodos sakit una numot a nilaun rop, ma ka mot in sibo sur tu wakak na petutna.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

Pilipai 4:9

Asau ra mot sa ususer pasi tagun iau, o mot sa rakon pasi, o mot sa longoro tari tagun iau, o mot sa tama tari un iau, mot in muri. Ra o God a tene malmal in kis tomo nam mot.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

Tamtama 22:21

A marmaris anun a Labino o Iesu in kis tomo nama taro rop anun o God. Amen.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Tesalonaika 5:16

Mot in ser gas.

1 Tesalonaika 5:13

Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.

1 Tesalonaika 4:18

I mo ra mot in uragot etetalai mot nama kum wasiso ri.

Pilipai 4:4

Mot in ser gas una kum bung rop, uni mot tagun a Labino. Ma an watung meleti lena, mot in gasgas.

Pilipai 4:2

A saring mur o Ewodia ma o Sintike sur in takai kut a nuknuki mur, uni mur anun a Labino.

Pilipai 3:16

Ikut dat in mur a wakak na nilaun ra dat sa utur ukai pasi.

Epeses 6:23

A malmal torom mot a kum tistising, ma a marmaris tomo nama nurnur, tan o God a Tamandat ma a Labino o Iesu Karisito.

2 Korin 1:4

I ser umarom met una kum mamaut rop ra met taramo i, sur met kai met in umarom a taro, ra a kum mamaut i los det, nama umumarom ra o God i pitar tari tamet.

Aposel 23:30

Ikut, ra di inanos iau lena det sa epak sur a musano ri, sur det in um doko i, a tulu lakit ru i torom ui. Ma a taro ra det takuni, a sa inanos tar det lena, det in nan torom ui nama nundet a etakun uni. I kut ra, ma i rop.

Aposel 18:21

Ra det wan susuaro, i watungi tandet lena, “Ra a nemnem anun o God, an milet melet torom mot.” Ra i kas una sip ma i wan gusun a tamon Epeses.

Aposel 15:29

Gong mot wan tu utna ra di sa etabor taru nami torom a kum torotoro na god. Gong mot wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong mot pam a kum petutna na pamuk. Ra ka mot in pam a kum utna ri, in wakak torom mot. I kut ra, ma i rop. A marmaris torom mot.

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

Luk 9:61

Ara melet i inanos o Iesu lena, “Labino, an mur ui, ikut un mulaot ru iau munung sur an nan, ma an wasiso na itula taru munung torom det una nung a rumu.”

A Wakak na Wasiso un o Iesu Karisito o Mak i tumusi 10:49

O Iesu i tur sikot ra i lena, “Mot kabo i urin.” Ra det kabo pas a pulu, ma det watungi tano lena, “Kosom taru tam! Tur! O Iesu i kabo ui.”

Matiu 5:48

I mo ra mot in tokodos mulus, elar nama Tamamot ra i kis sapat una langit, i tokodos mulus.”

Matiu 1:23

“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14 a kukuraino lena, “O God i kis tomo nam dat.”

Epeses 4:3

Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

1 Tesalonaika 3:10

Una kum mirum ma a waspi, metul pitar rop tar anumetul a nilaun una niaring sur mot. Metul wararing sur metul in tama melet mot, ma metul in ususer mot un lako kum utna ra mot sibo utmakai suri una numot a nurnur.

2 Tesalonaika 3:1

A kum tistisi metul, iri a ururop na wasiso anumetul, mot in wararing sur metul, sur a wasiso anun a Labino in nan sarara lakit ma a taro det in ru i elar nam mot, mot ru i.