2 Korin 12:7 - Nupela Testamen long tokples Kandas

⁷ A kum utna ra o God i sa utamtama tar iau uni i labo sakit, ikut di pitar tar ara utna i suksuk ra i ser so a pining, sur gong a nuk ulabo pas iau ut una kum tamtama ri. A suksuk ra, a ensel anun o Satan ra i ban laulau a pining.

2 Korin 12:7 交叉引用

Galesia 4:13

Mot tasmani ut, a mugano dino ra a wanpat, ra a warawai nama Wakak na Wasiso torom mot, kibino kut uni a misait.

1 Korin 5:5

mot in pitar tar a musano ra ulaman o Satan, sur din ban laulau a sakino nemnem ina pinino, ma o God in ulaun pas a niono una bung ra a Labino in nanpat melet.

1 Timoti 3:6

Gong taio i mugumugu na lotu ra i nukpukus matok taru kut, sako in umuman labino, ra in puku, ma din warkurai i elar nam o Satan.

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

1 Korin 4:11

Tuk uniri met murak, ma met muruk, met pipis a kum tartararos na malu, di um laulau met, ma katu rumu anumet.

2 Korin 10:5

Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito.

Luk 13:16

A ino ri, tagun a kabotaro anun o Abaram, o Satan i kerker tari a noino ma tiwal na kilalo. Ilai ra ka din palos a kineker ri gusuni una Bung na Sabat?”

Matiu 26:67

Ma det ibis in masarino, ma det tubuli, ra ara taro det pasori,

Matiu 4:10

O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’” Lo 6:13

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 12:1

Ra an warango pas iau ut, anung a wasiso ke gas un tu utna, ikut an warango pas iau ut una ramano kum tamtama ma a kum ririon ra a Labino ut i sa utamtama tar iau uni.