1 Tesalonaika 5:14 - Nupela Testamen long tokples Kandas

¹⁴ A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

1 Tesalonaika 5:14 交叉引用

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

A Pas anun o Pol torom a taro Rom 14:1

Mot in gas pas taio ra ke dekdek anun a nurnur, ma gong mot tama pisopiso i. Gong mot engaras una kum utna ra ke talapor toromi.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

1 Korin 4:14

Ka tumus a kum wasiso ri sur an ban umaimai mot nami. A tumusi sur an ukodos mot, uni mot elar nama kum nutnutung ra a nem doko mot.

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

Matiu 12:20

Ken pak in nere ra i tulukun, ma ken wup doko a lam ra ke kunabor wakak. In pami lenra tuk ra a tokodos na warkurai in winim pas a sakino.

Ibru 12:12

I mo ra mot in udekdek a kum lamamot ra ke dekdek ma a kum kikimot kai.

Taitus 1:6

Ra un pipilok, un pilok pas taio ra katu etakun kura uni, i nolin kut nam ara ino, ma a kum nutnutunu det a kum tene nurnur, ma katu wasiso i los det un tu petutna, ma ka det ser pitarngat.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

Taitus 1:10

Un pilok pas lako kum mugumugu na lotu, uni a susut na taro a kum tene pitarngat. Det ser wasiso una kum utna oros kut, ma det ben raro a nuknukin a taro. Ara taro tandet ra an utumarong ui un det, det ra det watungi lena, din tok talilis a pinin a taro ra awu sur a taro Juda.

1 Korin 8:7

Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

2 Tesalonaika 3:15

Ikut gong mot tama i elar nam anumot a ebar, mot in utumarong pasi kut elar nama tisimot.