1 Tesalonaika 4:2 - Nupela Testamen long tokples Kandas

² Uni mot sa tasman a kum etowo ra metul sa ususer tar mot nami. A kum etowo ra, det wanpat ut tan a Labino o Iesu.

1 Tesalonaika 4:2 交叉引用

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

2 Tesalonaika 3:10

Ra metul kis nisamot, metul pitar a warkurai ri torom mot: Ra taio ke nemi sur in papam, gong kai i wangon.

2 Tesalonaika 3:6

A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami.

1 Korin 9:21

Ra a kis tomo nama taro ra ka det kis utuntudu ina Warkurai anun o Moses, iau kai ka kis utuntudu ina kum Warkurai ra, sur an ben pukus pas det torom o Karisito. Ikut, awu sur a rosumur una Warkurai anun o God, awu. A kis utuntudu ina Warkurai anun o Karisito.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.