1 Tesalonaika 4:17 - Nupela Testamen long tokples Kandas

¹⁷ Numur dat ra dat laun utmakai, din los tomo pas dat nam det usapat una kum du bakut sur dat in etorom nama Labino una maino. Ra dat in kis tukum tomo nama Labino.

1 Tesalonaika 4:17 交叉引用

1 Korin 15:52

Ra a ururop na tuwuru in tangis, o God in pukus senene lakit pas dat un ara pulumisis kut. Uni in tuwuru in tangis, o God in ukatutur melet pas a kum minat ma ka det in mat mo, ma o God in pukus senene pas dat.

Tamtama 11:12

Ra der longoro in labino walngan ara tagisapat una langit i watungi lena, “Mur in nan toto urin.” Ma der wan toto una bakut usapat una langit, ma anunder a kum ebar det tama der.

A Wakak na Wasiso un o Iesu Karisito o Jon i tumusi 14:3

Ra a sa waninar tar a dino sur mot, an milet melet, ma an ben pas mot torom iau sur mot kai mot in kis una tamon ra a ser kis iai.

1 Tesalonaika 4:15

A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Aposel 1:9

Ra i sa rop anun a wasiso, o God i ben toto pasi usapat una langit. Ra det tamtama utmakai, a bakut i pulus bat pasi gusun anundet a tamtama.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

Aposel 8:39

Ra der saur gusun a danim, uniutra a Nion a Labino i los ru o Pilip. Ra a te Itiopia ke tama meleti mo. Ikut a te Itiopia i wan melet una nun a inawan nama labino gasgas una nun a nilaun.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

Tamtama 12:5

I usus pas a nat musano, i ra in warkurai dekdek sur a taro tagun a kum gapman rop namin nubuku na aen. Ma di los tito lakit pasi usapat torom o God, ma i wan sur anun a kiskis na king.

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

A Wakak na Wasiso un o Iesu Karisito o Mak i tumusi 14:62

Ra o Iesu i watungi lena, “Iau ut ra. Ra numur mot in tama a Nutun a Musano in kis una papor sot na laman o God, i ra i dekdek sakit, ma mot in tama i ra in nanpat una kum du bakut tagisapat una langit.”

Pilipai 1:23

Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander.

2 Pita 3:13

Ikut, dat kis langlang sur a utna ra o God i uliliman taru uni: a matok na langit ma a matok na rakrakon bual kai, ra a tokodos na petutna in kis uni.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 4:18

I mo ra mot in uragot etetalai mot nama kum wasiso ri.

1 Tesalonaika 5:10

I mat un dat, sur dat in laun tomo nami, ra in nanpat melet. Dat rop, det ra det laun utmakai ma det ra det sa mat.