1 Pita 2:23 - Nupela Testamen long tokples Kandas

²³ Ra a taro det watung laulau i, ke balu det. Ra det ukadiki, ke kankan ma ke watung tari lena, in ban laulau det, awu. I madek tari ut una laman o God, i ra i ser warkurai nama tokodos na warkurai.

1 Pita 2:23 交叉引用

1 Pita 4:19

I mo ra, det ra det los a ngunungut una nemnem anun o God, det in pitar tar det torom anundet a Tene Ukukis, ra i ser pam sot rop pas anun a kum wasiso, ma gong det mana nama pam a wakak na petutna.

Ibru 12:3

Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako.

Aposel 4:29

Labino, un nuk pas anundet a kum dekdek na wasiso, ma un warut met anum a kum tultul sur gong met ngara ra met in wasiso puaso nama num a wasiso.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Luk 23:46

Ra o Iesu i kukuk dekdek lena, “Tita, a pitar tar a niong un aru lamam.” Ra i sa watung tari lenri, i mat.

Tamtama 19:11

A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

2 Tesalonaika 1:5

A kum utna rop ri, i upuaso i lena, a warkurai anun o God i tokodos. Mot taramo a ngunungut, uni mot ulabo anun a matanitu. I mo ra, o God in watung mot lena, mot tokodos sur anun a matanitu.

Epeses 6:9

Ma mot a kum mugumugu, mot in pami lenkutkai ra torom anumot a kum tene ititula. Gong mot ungara det, uni mot sa tasmani lena ara Labino kut kusapat una langit, anundeti ma anumot kai. Ma a wakak na magirano awu sur torom ara taro kut, torom a taro rop.

A Pas anun o Pol torom a taro Rom 2:5

Ikut, a balamot i dekdek ma ka mot nukpukus, ra mot ubek tomo anun a kankan netes un mot, sur a bung na kankan anun o God, ra anun a tokodos na warkurai in nanpat talapor.

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

Aposel 9:1

Una kum bung ra, o Sol i ungara a taro na ususer anun a Labino nama dekdek na wasiso lena, in um doko det. I wan torom a mugumugu na tene etabor torom o God,

Luk 23:9

Ma o Erod i ting o Iesu nama susut na iting, ikut o Iesu ke balu i.

Aposel 7:59

Ra kura utmakai det dukuduku i, o Stiwen i wararing lena, “Labino o Iesu, un los pas a niong.”

Luk 23:41

I tokodos ut un dar, uni dar los a minabalu una nundar a sakino petutna. Ikut, a musano ri ke pam tu niraro.”