1 Korin 6:15 - Nupela Testamen long tokples Kandas

¹⁵ Pepetlai, ka mot tasmani lena, a pinimot, a kum du pinin o Karisito ut? Pepetlai, an upitapo pas lako kum du pinin o Karisito tomo nama pamuk na ino sur der in takai mukut? Awu, ken elar mulus!

1 Korin 6:15 交叉引用

Epeses 5:30

Uni dat a kum du pinin o Karisito.

A Pas anun o Pol torom a taro Rom 12:5

Lenkutkai lar dat, dat susut, ikut una pinin o Karisito dat takai kut. Dat taktakai dat tar pasano.

Kolosi 2:19

I sa tukutus gusun o Karisito, i ra in lorin a taro na lotu. O Karisito i in lorindat, ma dat a pinino. I udekdek a kum du pinino sur det in warut etetalai det ma det in kis tomo, elar nama kum mulmulukun ina pinindat ra det tugus tomo. Ra a kudulano pinino i lubung, elar nama nemnem anun o God.

1 Korin 12:27

Mot ut a pinin o Karisito, ma mot rop taktakai a kum du pinino.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

1 Korin 11:3

Ikut, a nemi sur mot in tasmani lena, o Karisito in lorin a kum musano rop, ma a musano in lorin a ino, ma o God in lorin o Karisito.

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

Epeses 5:23

Uni a musano in lorin a kinkinis na nolin, elar nam o Karisito in lorin a taro na lotu, ma det a pinino, ma i anundet a Tene Ulaun.

Luk 20:16

In nanpat ma in um doko ru a taro na pinapam, ma in pitar tar a kinobot torom lako taro gisen, sur det in tamtamabati.” Ra a taro det longoro a wasiso ri, det watungi lena, “Awu, ken lenra!”

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Galesia 2:17

“Umatan a taro Juda dat a kum tene sakino, uni dat nurnur un o Karisito, sur dat in tokodos umatan o God, ma ka dat mur a kum Warkurai, sur dat in tokodos umatano. Pepetlai, o Karisito i a kibino ra dat a kum tene sakino? Awu ut!

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

A Pas anun o Pol torom a taro Rom 7:13

Pepetlai, a utna ra i wakak i um doko iau? Awu ut! A sakino petutna i um doko iau. A sakino petutna i papam nama kum wakak na wasiso na Warkurai, ra i pitar a minat tang, sur in talapor lena a ngas na petutna ri i laulau. Una kum Warkurai dat tama lele pasi lena, a sakino petutna i laulau doko.

A Pas anun o Pol torom a taro Rom 7:7

I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 6:2

Awu! Dat mat gusun anundat a sakino petutna. Dat in laun pepetlai melet mo uni?

A Pas anun o Pol torom a taro Rom 3:31

Pepetlai, ra dat nurnur dat nuki lena a kum Warkurai i utna oros kut? Awu ut! Una nurnur dat ese i lena a kum Warkurai a dekdekin det ut.

1 Korin 6:3

Pepetlai, ka mot tasmani lena numur dat in warkurai a kum ensel? Ra in lenra, dat in pet lar pasi ut sur dat in warkurai a kum utna tagun a nilaun uniri.

1 Korin 6:17

Ikut, osi ra i upitapo i una Labino, der ara nionder kut nama Labino.