19 Kanji vayuda ni kwita doni kutwala nanangu kujugwa mwaa wangu uwike akune kumwe Shashali pakulota alalyange ata ikava kenga nangu hanguvenavo mwaa woewoe wakuvakashalya venentetemwangu.
Agilipa kutwala kumwaulila Pestu doni, “Munu aju leka akajugwile auke kumwe Shashali, indívaikila kumuungula.”
Kanji nangu apa haningwene likosha lyatandile lyakuntadya apele. Nakavili kwodamwaa nae andijugwa ing'ano yake yuke ikawike kumwe umu nang'olo, nangu ndyamuwa kumpalakedya koko.
Kanji Paulu andíkanyilila ing'ano yake yuke kumwe Shashali akalalyange. Nadoni nangu ndílamulila aikale nkalaboshi alindila mpaka uwike wakati wakuntumidya kumwe Shashali.”
Yesu kutwala kuvakanyalidyangidyanneu vakwoda vake vakwalange mwingalava vauke valangalela litanda nkono unji vanneke nae alaila imbumba yavanu.
