10 Vanu avo vandítupa dinudyo dyoe namene na patuukile ndapanganikanga pakulota twinjile mwingalava vandítupa vinu vyoe vyakutupwashela mushimwanda shetu.
na ata tulambela lishangelo lyavanu, ata lyenu na ata lyavanu vanji
Nnungu wangu andalinganianga uti avilá vyamulota kwautajili wavenavo mulishangelo nkati mumwe Klistu Yesu.
Shikatandeke shitendo asho, valwele uti vapashitingi asho vandímuukila Paulu navanavo vandípona momo.
Ling'oto lyakwikala wetu pashitingi asho myedi mitatu, tundíinjila mwingalava ye ipagwíte mulyutu alyo muwakati uti wakudidima imepo. Ingalava yoyo ivele ya ku Alishandaliya na mushu mwake indívanavo mashinamu avannungu mamaa.
