Vitendo 2:23 - Ibibiliya mu Shimakonde Imbodi Yaambi na dimbande dya Imbodi Yakala

²³ munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 2:23 交叉引用

Lukashi 22:22

Kutangola mwiu, Mwana Wamunu ankuukila mo mwampangilidile Nnungu kanji shonde munu álota kunnimya jo!”

Vitendo 4:28

Vandíkadyanianga pakulota vitandeke avilá vyaupangidile tangu kunantandi kwadimongo dyako na malotelo ako.

Vitendo 3:18

Kanji napavedoni, Nnungu anditandedya ashilá shatangwéle kala kwaindila yavakulava vake uti kenga Klistu wake inimmaikila auvauvange.

I Patulu 1:20

Ata ikava kenga mwamanyikidile kaladavo shilambo shikanava kukandyangigwa, andililodya muwakati au wamwisho kwamwaa wenu mwenu;

Vitendo 13:27

Venentete va ku Yelusalemu pamo na vakutawala vave kwamwaa wakuntikinanga na ata mene kumanya vyavatangwele vakulava vishaméka kula liduva lyakupumula, vanavo vanditandedya pavaukile ndamuukumu.

Mateu 26:24

Mwana Wamunu andapalela kenga mo mwavandikidile vamwamba nae napane apambale aijá álota kunnimya Mwana Wamunu jo! Munu ajo kudyanga hanavalekwe.”

Valoma 4:17

kenga indyandikigwa, “Nangu ndikupangila wako uve tatamunu waimbumba yavenentete.” Nae ni tatagwetu pamevo pake aijá wankulupidile, Nnungu ávapa shingumi vapadíle na átadya vipagwe víkapagwite.

Vitendo 5:30

Nnungu wavanakuluvetu anindyuwa Yesu, munu wamummyee mwenu kwaindila yakunkamela panshalaba.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

I Patulu 1:2

munditandalegwa kwodananavo mwamanyilile kaladavo Nnungu Atata na munkutandegwa mmakwilimyanga kwaindila ya Imumu pakulota mumwigwilile Yesu Klistu ámyayangidile myadi vyake. Umonyo na amani vyanjadyeke kwenu mwenu.

Vitendo 15:18

ámanyiidye vinu avi tangu kunantandi.’

Lukashi 24:20

Nae vanang'olo vavakulangalalela-shadaka na vakutawala vetu vaninjaula pakulota vamupe ukumu yakupela; nadoni, vaninkamela panshalaba.

Lukashi 22:37

Ninkumwaulila doni, ambi apa vilota kutandeka avilá vyandikíke doni, ‘Vanimpambanianga mushipinga shavaungave-lilamulo.’ Mwaa uti vyavaandike vingwamba nangu, mwiu vindatandeka.”

Vitendo 7:52

Shapo nkúlava shani wávakampapete vanyakalavenu? Vanavo vandivabyaanga vakulava vake Nnungu váshivalanganga kwida aijá Waishaliya umwe Nnungu na mwenu jojo muninnimya na munimpedya.

Nshuwau 19:24

Nadoni vaing'ondo vandyáulanila doni, “Ikanju ai hatunapapulange. Leka tuntende gudugudu pakulota tummanye nyani álota kupata.” Avi vindítandeka pakulota awikile popo Maandiko aashidoni, “Vandijavananga dinguvo dyangu na ikanju yangu, vanditandela gudugudu.” Ashi ni shavatandile vaing'ondo.

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.

Mateu 20:19

namomo vanankamudya kwavamidi vanniule, vanshape viboko, vankamele panshalaba napane muliduva lyatatu lyake nae andadyuka.”

Mateu 27:35

Vakankamela panshalaba kutwala dinguvo dyake kujavananga kwaindila yakujalanga gudugudu

Malukushi 15:24

Vanavo apalá vankunkamela panshalaba, vankujavananga dinguvo dyake vatenda shimwavi pakulota vamanye shakupata kula munu.

Lukashi 23:33

Pavawikile palyutu lyavashema Pashivanga, Yesu vanínkamela panshalaba pamo na vakalau vavili avalá; jumo kunkanakono junji kunshanda.

Nshuwau 19:18

Popo po vanímpambilila panshalaba pamo namu nae vanu vanji vavili, junji nkono au, junji nkono au, Yesu pakati.

Vitendo 2:36

Napanelo mmaishilaeli uti ikala mumanya shalowa doni, Yesu jo, jo wamunkamadile panshalaba jo, Nnungu anintenda kuva Umu na kuva Klistu.”

Vitendo 5:28

aashidoni, “Da mwenu wetu hatunnaidye ngala kupundisha palina lyamunu ajo? Shapo lola, nkaja mu Yelusalemu amu malove enu andyaandavala uti na ata mpaka mulota twitikange yamyadi vyamunu aju.”

Valoma 2:12

Mwaa doni, uti avalá vatéga bila lilamulo, bila lilamulo vandajaika na avalá vatéga mulilamulo, kwa lyo lilamulo lyo, vandaukumigwa.

I Vateshalonika 2:15

vo vammyée Umu Yesu na ata vakulava namomo kutumwadiliyanga wetu. Vanavo vankuntaa nshelu Nnungu na vankupingana na vanu uti