Vitendo 19:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Muwakati ungwipi likaja uti lindíinjila mpulugu; venentete vanínkamula Gayu namu Alishitaliku vanu va ku Makedoniya váshipita vawena shalumo namu Paulu kupita vavautanga vavaukanavo kushiwanja shamishesho.

Vitendo 19:29 交叉引用

Vitendo 20:4

Mushimwanda asho andyódana namu Shopatulu wa ku Beleya mwanagwe Pilu, Alishitaliku namu Segundu vanu va ku Teshalonika, Gayu wa ku Delebe, Tikiku namu Tolopimo vanu va ku Ashiya namu Timoti.

Pilemoni 1:24

Namomo Malukushi, Alishitaliku, Demashi namu Lukashi vamadengomwangu, vankuntumidya nandele.

Vakoloshu 4:10

Alishitaliku nkúngwamwangu nae ankuntumidya mwenu nandele; namomo Malukushi binamu wake Balinaba. Ing'ano imwe Malukushi, mwenu mundipata malailililo; paida po, mpwashalele.

Vitendo 27:2

Bai wetu tundíkwela mwingalava ya pa Adalamitiu ivéle tayali yuke kuviko vya ku Ashiya. Mushimwanda shosho tundípagwanavo Alishitaliku munu wa ku Teshalonika ya ku Makedoniya.

I Vakolintu 4:9

Mwaa mwangwonela nangu, Nnungu anditulodya wetu tuvamyombe mulyutu lyamwisho, wetu kenga túukumigwa kupela, pakuva tuukilé ndava vyadimbenje kwashilambo ata ikava kwavanjelo kwali kwavanu.

I Vakolintu 1:14

Ninkunnambwalela Nnungu mwaa hapali wanimpele ubatisho pakati penu ila Klishipu namu Gayu

Valoma 16:23

Gayu mwene ing'ande yangupagwa na palikadyanianga liganisha, ankuntumidya nandele, namomo Elashitu nkondya-njuluku wapanjini au pamo namu nung'unumunu Kwatulu.

Vitendo 21:30

Napanelo nkaja mo shindíinjila shititimbu shakujowa namene. Dimbumba dyavanu dindyúka ditukuta vakankamule Paulu. Vakankamule vandípita vamuutanga kumumya mwing'ande ya Nnungu amulá na milango vandíshimanginneu.

Vitendo 19:22

Napavedoni andívatuma vatumikamwagwe yani Timoti namu Elashitu vauke ku Makedoniya kutwala nae kwikala padyoko ku Ashiya.

II Vakolintu 8:19

I gweka asho kanji namomo anditandalegwa na maganisha pakulota atupalakele patukola shimadengo ashi shaumonyo shatutumikila kwalishangelo lyake jo mwene Umu na kwambangidya kulodya malotelo etu ambone.

Vitendo 21:38

Da wako hauvele mmishili aijá átandile mandamano akupinga shilikali mumaduva apitíle kutwala kuvatwala vakupinga-shilikali dyalupu nsheshe kuvaukanavo kushimbweshe?”

Vitendo 20:34

Shasho! Mundimanya mwe, kenga makono lolo ala andikola madengo pakulota ngulyangangole nimwene na nivaangangole vavangu momo.

Vitendo 19:32

Bai panguguvale awo upagwite upuju gweka; vanji váshijunga vatangola ashi, vanji vatangola shinji na voe havamanyíte shavaukidile mulyutu alyo.

Vitendo 17:8

Bai imbumba yavanu pamo na vananangalaledi vapalikaja pavaigwite malove alo, vindívanyanyamuka mitima.

Vitendo 16:9

Napanelo shilo Paulu indímwidila indoti: munu wa ku Makedoniya àimidile anjugwangila doni, “Shonde, amboka wide kwetu ku Makedoniya utupwashele.”

Vitendo 13:5

Pavawikile pa Salamishi, vandívalanganga lilove lya Nnungu muvitala vyamikodyanio vyavayuda na Nshuwau Malukushi avele nkúpwashela wave.

Vitendo 16:12

Patumile apo tundyúka mpaka pa Pilipo likaja lya dishiklitu itandi yashitajili yalijimbo lya Makedoniya lyavashitawala valoma. Palikaja ali, wetu tundíikala maduva atwikalénge.

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

III Nshuwau 1:1

Kwanang'olo kuka kumwe wakunagwaleka Gayu, aijá waninnagwaledya kwaumwiu.