Vitendo 18:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Napane Klishipu nanangalaledi wapashitala shakulipudidya anínkulupila Umu pamo na vanu uti vapaing'ande pake. Namomo vakolintu voe vakaigwe vyashitangola, vandíkulupila na vandípata ubatisho.

Vitendo 18:8 交叉引用

Vitendo 11:14

Nae andakuvalangangila ntenga ulóta kukutadya wako pamo na vanu uti vapaing'ande pako mwambolegwe.’

Vitendo 8:12

Kanji Pilipo pavalangenge ntenga wambone wautawala wa Nnungu na yalina limwe Yesu Klistu, valume na vakongwe vashindapata ubatisho.

Vitendo 18:17

Bai vanavo vanínkamula Shoshiteni nanangalaledi wapashitala shakulipudidya kunkoma, Galyu amwona kanji Galyu hashitanana ata padyoko.

Vitendo 16:34

Akabatishwe, andívatwalinneu vapaulu kuvaukanavo kwing'ande kwake ndavapa shakulya. Bai nae andípuwanga namene pamo na vapaing'ande pake uti mwaa wakunkulupila Nnungu.

Vitendo 13:15

Vakainuke kushomya Lilamulo na Vakulava, vananangalaledi vashitala shakulipudidya vandítuma vavajugwe doni, “Mmanung'unumunu, likapagwa lilove lyakuvanonowanga venentete, tangola.”

Vitendo 10:2

Munu aju pamo na vanu uti vapaing'ande yake vandyálala mitima na vashindanjopa Nnungu; nae ashindavapa lipwashalelo lyoe vamashikini na ashindashwali ngwengwe kwa Nnungu.

Malukushi 5:35

Napanelo Yesu akuno ankutangola, avalá vanu vake aijá nanangalaledi washitala shakulipudidya vandiwika kumwaulila nang'olo wave kushidoni, “Mwanavo jo andipela! Haunauke mushu undingadinga mwalimu jo.”

Malukushi 5:22

Mwenu! Kuwika apalá nanangalaledi washitala shakulipudidya walina Yailu. Nae pamwene Yesu andínguguvalila mmadodo mwake

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Vitendo 18:1

Ling'oto lyavinu avi, Paulu andyúma pa Atena kuka ku Kolintu.

Vitendo 19:1

Napanelo Apolu àvele pa Kolintu, Paulu andyámbwakanga mashinga kutwala kwalalela pa Epeshu. Popo po andívakodya vakwoda,

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

II Vakolintu 1:1

Paulu, myombe umwe Klistu Yesu kwalilotelo lyake Nnungu namu nung'unumunu Timoti kwaliganisha lipágwa ako ku Kolintu pamo na vakwilimyanga uti vapágwa disemu uti dya ku Akaya.

II Vakolintu 1:23

Napanelo ninkunshema Nnungu kenga nshuda kwaupande wangu; ivele nimmikile shitete shanikaidilile nangu ku Kolintu.

II Vakolintu 6:11

Tunditangola ngala namu mwenu mmakolintu; ntima wetu uvelé mwandwa.

II Timoti 4:20

Elashitu andiikala ku Kolintu kanji Tolopimu ninneka àvele nnwele ku Miletu.