Vitendo 16:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Patumile apo tundyúka mpaka pa Pilipo likaja lya dishiklitu itandi yashitajili yalijimbo lya Makedoniya lyavashitawala valoma. Palikaja ali, wetu tundíikala maduva atwikalénge.

Vitendo 16:12 交叉引用

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vitendo 20:6

Napanelo shikukulu shamagung'u ákave nkukumuku shikapite, wetu tundyúma pa Pilipo kukwela mwingalava kutwala mwanda wamaduva mwanu kuka ndakadyania na vavetu pa Tolowashi. Palikaja ali tundíikala maduva saba.

Vitendo 16:21

Hainatoshe vankwidanavo mapundisho alaéka kwetu wetu tuvaloma kwitikila na kwodedya.”

Vitendo 16:9

Napanelo shilo Paulu indímwidila indoti: munu wa ku Makedoniya àimidile anjugwangila doni, “Shonde, amboka wide kwetu ku Makedoniya utupwashele.”

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

Vitendo 19:29

Muwakati ungwipi likaja uti lindíinjila mpulugu; venentete vanínkamula Gayu namu Alishitaliku vanu va ku Makedoniya váshipita vawena shalumo namu Paulu kupita vavautanga vavaukanavo kushiwanja shamishesho.

Vitendo 20:1

Napanelo shititimbu ashilá shìmalilikenge, Paulu andívashema vakwoda kuvanonowanga kutwala kulilaila kuka ku Makedoniya.

Vitendo 20:3

Ako nae andíikala myedi mitatu. Pashipanganikanga pakulota ainjile mwingalava auke ku Shiliya, andyánalela kenga vayuda vankupanga milugu vyakuntenda ing'ondo. Nadoni nae andyámuwa kuja apitila ku Makedoniya.

Vitendo 27:2

Bai wetu tundíkwela mwingalava ya pa Adalamitiu ivéle tayali yuke kuviko vya ku Ashiya. Mushimwanda shosho tundípagwanavo Alishitaliku munu wa ku Teshalonika ya ku Makedoniya.

Valoma 15:26

Mwaa ku Makedoniya na ku Akaya indivanagwela kutenda nshango kwamwaa wavakave pashinu pakati pavakwilimyanga va ku Yelusalemu.

Vapilipo 1:5

kwamwaa waupamo wenu nkati muntenga wambone kutunduvangila liduva litandi mpaka nelo.