Vitendo 13:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napane pavadingukenge shitingi asho mpaka pa Papu vanínkodya nkúlava jumo wakushang'apa mwavi muyuda walina Bali-Yesu.

Vitendo 13:6 交叉引用

Mateu 7:15

“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa.

I Nshuwau 4:1

Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

II Vakolintu 11:13

Mwaa vanu avo ni vamyombe vakushang'apa, vamadengo vakuduwanga valijaluwánga kuva vamyombe vamwe Klistu.

Malukushi 10:46

Bai Yesu pamo na vakwoda vake vandíwika pa Yeliko. Napanelo pavashuma nkaja mo nae na vakwoda vake pamo na imbumba yavanu, ndila mo andíikala munu jumo nkújugwajugwa wakuputala mevo walina Balitimeu mwanagwe Timeu.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

Vitendo 13:8

Kanji Elimashi mwavi jo, mwaa aku ni kuvalangangila kwalina lyake, ashindavavangedya vamyombe alambela antividyange gavana hanaliinjidyange mulikulupililo.

Vitendo 13:13

Paulu na vavagwe vakaume pa Papu vandíkwela mwingalava kuka mpaka pa Palegi shilambo sha ku Pampiliya, napane Nshuwau Malukushi andívaleka kuujila ku Yelusalemu.