Vitendo 11:23 - Ibibiliya mu Shimakonde Imbodi Yaambi na dimbande dya Imbodi Yakala

²³ Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Vitendo 11:23 交叉引用

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Vitendo 13:43

Kutwala nkodyanio paumalilike, vayuda voe pamo na vanu valiinjidyénge vandímwoda Paulu namu Balinaba váshitangola na vanavo vavashomba pakulota vauke mushu muumonyo wake Nnungu.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.

II Timoti 3:10

Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

III Nshuwau 1:4

Hanguvenavo lipuwilo likumene kupunda ali: lyakwigwa kenga vanavangu vankuwena muumwiu.

Vitendo 14:26

Pavaumile pa Ataliya vandíinjila mwingalava kuujila ku Antiyokiya ya ku Shiliya palikaja lyavavakamudídye kwaumonyo umwe Nnungu kwashimadengo asho shavamalidile.

Nshuwau 15:4

Pagwa nkati mwangu na nangu ngupagwe nkati mwenu. Mo mwalukapela lutavi vyepo lwolwene kwabila kupagwa munnandi, namwenu ni momo mukanapagwa nkati mwangu.

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

II Vakolintu 1:17

Da pangushipanga davo po, ngwaneké kenga nimunu wakudumbadumba? Kwali ngutenda milugu vyangu kwashimunu muwakati umo wowo nguushidoni, “Elo, elo” namomo “Mene, mene”?

Vitendo 20:32

“Napanelo nangu ninkunkamudya kwa Nnungu na kwalilove lyaumonyo wake lyulúla kunkulumuwa na kumupa maleko pakati pa avalá vailimyangígwa.

Vitendo 15:40

Paulu kanji kuntwala Shilashi kuka ling'oto lyavanung'unumunu kunkamudya kwaumonyo umwe Umu

Malukushi 2:5

Bai Yesu pavagwene vanu avo kuvanavo likulupililo, andímwaulila wakudidimanga madodo jo kushidoni, “Mwanangu, madambi ako andilivalivika.”

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.