Vapilipo 3:12 - Ibibiliya mu Shimakonde Imbodi Yaambi na dimbande dya Imbodi Yakala

¹² I do nangu ndivanavo tayali asho na ata kwali ndiva tayali washalowa-uti kanji ninkuka mushu ngulikanyalidya pakulota nguulule kukamula ashilá, sho shangukamulidile nangu Klistu Yesu.

Vapilipo 3:12 交叉引用

II Vakolintu 7:1

Mmakunagwaleka, pakuva tunkuvanavo vyakulivikila avi, tulyushaniange vyaudagwa uti vyamumili na vyamwimumu tuwisha popo kwilimyanga nkati mukunjopa Nnungu.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

Vapilipo 3:16

Napane ashilá shatuulwile, shosho sho twode.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

Vabalaniya 12:14

Likanyalidye pakulota muname nkati mu amani kwavanu uti na mukwilimyanga. Kwabila kupagwa mukwilimyanga, hapali álota kumwona Umu.

Vagalata 5:17

Mwaa shimunumunu shinkuvanavo malotelo anyatilíka na Imumu na Imumu ankuvanavo malotelo anyatilíka na shimunumunu; vinu avi havinaigwana shinu, bai ni shamwona avilá vyamulota mwenu kutenda hamunaulule kutenda.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

II Vateshalonika 2:13

Wetu napane indituvaikila ngwengwe tunnambwalele Nnungu kwamwaa wenu mmanung'unumunu mmakunagwaleka vamwe Umu mwaa Nnungu anintandola mwenu kenga vyepo vitandi vyakwambolegwa kwaindila yakujaluwangigwa mukwilimyanga kwa Imumu na kwakukulupila umwiu.

Vaepeshu 4:12

pakulota ivé dashi, vavapanganiange vakwilimyanga kwashimadengo shautumika kwakudenga mili umwe Klistu

II Vakolintu 13:9

Mwenu, tunkupuwanga patudabadabanga, mwenu muvanavo dimongo. Kushwali kwetu ni kulota mwenu mudyuwangigwe.

I Vakolintu 13:10

kanji pashilota kuwika ashilá shilinganéne, ashilá shíkalinganene sho, shindapita.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

I Timoti 6:19

Vakatenda davo, vandalikungailila mali vo vene kenga shitunduvangilo shambone shawakati ulóta kwida kwambangidya vakamulile ashilá shingumi shiu.

Vitendo 9:15

Umu kutwala kushidoni, “Wena! Mwaa munu ajo ni shombo shangu shakutandalegwa pakulota aumaniange lina lyangu kwavamidi, kwavaumu, kwavanaishilaeli na

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

Vabalaniya 12:23

kuliganisha lyavana vatandi kuvalekwa, vo vaandikígwe mena ave kuwa; mundiwika kwake Nnungu nkúukumu wavanu uti, kudimumu dyavanu vaishaliya ditandégwe kuwikila popo,

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Valoma 8:39

i kushanya, i pai na ata kwali shiumbi shoeshoe shilóta kuulula kutwapukanianga na linagwaledyo lyake Nnungu lipagwíte nkati mumwe Klistu Yesu, Umu wetu.

I Vakolintu 9:24

Da mwenu hamunamanya shinu kenga nkati mumashindano akutukuta, vakutukuta uti vandátukuta kanji nkúpata lidaka ni jumo tu bai? Tukuta pakulota lidaka lyo, mupate.

I Vakolintu 13:12

Mwenu, ambi tunkwona vila mushilolo kwakudingala kanji mushu mo, tundona mevo kwamevo. Ambi ninkumanya padyoko kanji mushu mo, ndamanya uti kenga mo mwangumanyikila nangu.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vapilipo 3:8

Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu