Valoma 9:22 - Ibibiliya mu Shimakonde Imbodi Yaambi na dimbande dya Imbodi Yakala

²² Napane ilota kuva dashi ikava kenga Nnungu palota kulilodya shitundi na palota dimongo dyake dimanyike andilipililila kwaupole kwa avilá vyombo vyamushitundi shake vyapanganienge kwambangidya dashi vibamalegwe

Valoma 9:22 交叉引用

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.

Valoma 9:21

Da nkúmba havenavo aki yaulongo, mulikamu lyolyo kumba shombo shaishima kwali shíkave ishima?

II Timoti 2:20

Mwenu! Mwing'ande ing'umene hamunapagwa gweka vyombo vyashaabu kwali vyankuva kanji namomo vindápagwa vyombo vyadimbau na vyaulongo; vinji kuva vyakwishimika, vinji vyo kuva víkave ishima.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

Valoma 9:17

Mwenu, Maandiko andimwaulila Palao, “Ni ashi shingutadídye ndikukwedye wako kwambangidya dashi nkati mwako ngulodye dimongo dyangu na pakulota livalangangigwe lina lyangu mushilambo uti.”

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

I Vateshalonika 5:9

Mwaa Nnungu hatupangidile kwashitundi kanji pakulota tupate kwambolegwa kwaindila imwe Umu wetu Yesu Klistu

II Patulu 3:15

Mmakumbukililo enu muvalangilila doni, upole umwe Umu wetu unkwidanavo kwambola. Namomo nung'unumunu wakunagwaleka Paulu animwandikila mwenu vyovyo kwodanavo limanyilo lyapatile,

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

Valoma 9:20

Leka apo, wako umunu unyani wakutaukananga namu Nnungu? Da inkuululika ashilá shavaumbile kutwala kumwaulila aijá áumbile doni, “Mwaa shani unguumbile doni?”