2 Mwenu, nkongwe álambwidye andyuungwa nkati mulilamulo ntwagwe àvele mushingumi kanji ntwagwe akapela, nkongwe ajo avelé muunaiti kwalilamulo lyashitamo.
Nkongwe avelé mushipungu muwakati wanama ntwagwe kanji ntwamunu akapela, nae ankuva muunaiti wakulombwa na munu woewoe wannota ila munu ajo ave nkati mumwe Umu.
Nkongwe havenavo madalaka amili wake jo mwene ila nnume ntwagwe; nanae nnume havenavo madalaka amili wake jo mwene ila nkongwe ndyagwe.
Nadoni ikava kenga nae andalombwa na nnume junji ntwagwe àvele mushingumi, andavalangiligwa kuva nkúlavalava. Kanji napane ntwagwe akapela, nae avelé muunaiti kwa alilá lilamulo. Nae akalombwa na nnume junji, havalangiligwa shinu kuva nkúlavalava.
Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.
