Valoma 6:22 - Ibibiliya mu Shimakonde Imbodi Yaambi na dimbande dya Imbodi Yakala

²² Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

Valoma 6:22 交叉引用

I Patulu 2:16

Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

Valoma 6:18

Mwenu mwàmbwalagwidye avi mulidambi, munditandegwa mmatumwa vaishaliya.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

Nshuwau 8:32

Mundamanya umwiu na wo umwiu wo, unamwambola.”

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.

I Patulu 1:9

mwaa mwenu munkupata shabaa yalikulupililo lyenu yani kwambolegwa kwaungumi wenu.

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

Valoma 6:14

Mwenu, lidambi halintawala pakuva mwenu hamunatawaligwa shinu na lilamulo kanji munkutawaligwa na umonyo.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Valoma 7:4

Nimumo momo mmanung'unumunu mwenu momo mundipela kwalilamulo kwaindila yamili umwe Klistu pakulota dashi, muve mmanu mmamunu junji aijá ádyukile pakati pavakupela kwambangidya tupe vyepo kumwe Nnungu.

Valoma 6:21

Da mushipata vyepo shani wakati awo kwavinu vyamwanangila dyoni ambi apa? Mwaa kumwisho kwavinu avyo, kupela.

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Titu 1:1

Paulu, ntumwa umwe Nnungu na myombe umwe Yesu Klistu kwaupande walikulupililo lyavakutandalegwa na kwakumanya umwiu kulingananavo kunjopa Nnungu,

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vapilipo 4:17

I do, ninkulambela shadaka shenu kanji shangulambela ni vyepo vyakwanjedya paida yenu.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vaepeshu 5:9

shepo shalilangadyo shivéle nkati muwambone, mwishaliya na muumwiu,

II Vakolintu 3:17

Mwenu, Umu ni Imumu na pashinu papagwite Imumu wake Umu, apo upali unaiti.

Valoma 7:25

Napane lilambwalalelo lipagwe kumwe Nnungu kwaindila imwe Umu wetu Yesu Klistu. Nadoni nene nimwene kwading'anong'ano dyangu ninkutumika lilamulo lyake Nnungu kanji kwashimunumunu, ninkutumika lilamulo lyalidambi.

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

Nshuwau 4:36

Ata mpaka ambi apa ápuna ankupata nshala wake na ankukushania mapuno áuka kushingumi shíkamalilika kwambangidya ápanda na ápuna uti kwaunapamo vave na lipuwilo.

Mateu 19:29

Napanelo kula munu álakile ing'ande yake, vakuluvake, valumbuvake, tatake, anyoke, vanavake kwali mashamba kwamwaa wangu nangu, andapata vyoe vyakwanjadyeka myanda miya na shingumi shíkamalilika sho, andapata.

Mateu 13:43

Bai avalá vaishaliya vandashenga kenga liduva muutawala watatagwave. Aijá ávenavo matu akwigwidya, aigwe.

Mateu 13:40

Nadoni kenga mo mwavanankungailila nashitani kuntaa moto, nimomo mwaulota kuvalela mwisho wawakati.

Maono 7:13

Kutwala nang'olo jumo pakati pavanang'olo aníngudya, “Da ava vagwalénge dikanju dyanashwe vananyani na vaalakadilé kwashi?”

Tiyagu 1:1

Nangu Tiyagu ntumwa wake Nnungu na umwe Umu Yesu Klistu, ninkuntumidya nandele vampate makola kumi na mbili amwadilikanénge muvilambo uti.

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Vabalaniya 12:14

Likanyalidye pakulota muname nkati mu amani kwavanu uti na mukwilimyanga. Kwabila kupagwa mukwilimyanga, hapali álota kumwona Umu.