Valoma 3:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Nae jo, Nnungu andimumya kenga shadaka shakudimanga shitundi shake kwamyadi vyake kwaindila yalikulupililo kwambangidya dashi ililodye ishaliya yake mwaa kwaupole wake, andíleka madambi akunyuma

Valoma 3:25 交叉引用

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

I Nshuwau 2:2

Nae ni shadaka shakudimanga shitundi shake Nnungu kwamwaa wamadambi etu kanji i kwamwaa wamadambi etu gweka, namomo madambi amushilambo uti.

Valoma 5:9

Pakuva ambi apa napane tundivalangiligwa ishaliya kwaindila yamyadi vyake, kupunda namene kwaindila yake nae tundaambwalegwa mushitundi.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Vabalaniya 10:4

mwaa hayululika myadi vyaing'ombe na vyaimbudi kuushanianga madambi.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Vabalaniya 11:7

Kwalikulupililo Noe pavammanyiidye kaladavo avilá vilóta kutandeka pakuva jojo jo ashinanjopa Nnungu, nae andíkandyanga ingalava yakulota kwambola likola lyake. Nadoni andyúkumu shilambo na kutandegwa kuva nkúpata-maleko aishaliya kwaindila yalikulupililo.

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Vabalaniya 11:14

Mwenu, vatangola doni, vovo vo vankulilodya ngala kenga vankulambela shilambo shave.

I Nshuwau 1:10

Ikava kenga tunkushidoni hatutagile, tunkummika Nnungu kuva nshwang'a na lilove lyake nkati mwetu, halipali.

Vabalaniya 11:17

Kwalikulupililo Abulaamu paukile ndalingigwa, nae andímumya shadaka mwanamunu Ishaki; aijá ápatile vyakulivikila, nae avele tayali kumumya shadaka mwana jo jumo jo,

Vabalaniya 9:5

Pashanya lishanduku alyo vandípagwa makelubi valishangelo, vimbedi vyave vishindainikidya lyutu lyakudimanga shitundi shake Nnungu. Kwaing'ano yavinu avi, ambi apa hatuulula kutadyalyedya uti.

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.

Valoma 5:11

I gweka avyo, namomo tunkulitamangila Nnungu kwaindila imwe Umu wetu Yesu Klistu átutadidye ambi apa tupate kwigwania.

Valoma 3:26

pakulota alodye ishaliya yake muwakati au na ave waishaliya namomo wakummalangilila ishaliya aijá ánkulupila Yesu.

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Vitendo 4:28

Vandíkadyanianga pakulota vitandeke avilá vyaupangidile tangu kunantandi kwadimongo dyako na malotelo ako.

Vitendo 3:18

Kanji napavedoni, Nnungu anditandedya ashilá shatangwéle kala kwaindila yavakulava vake uti kenga Klistu wake inimmaikila auvauvange.

Vitendo 15:18

ámanyiidye vinu avi tangu kunantandi.’

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Vitendo 14:16

Muwakati wapanyuma, Nnungu andívaleka venentete uti vawene mwavalatela vo vene.

Valoma 5:18

Nadoni nimumo momo kwaindila yakupujungula kwamwanda umo, kwavanu uti kundyumilila kuukumigwa, namomo kwaindila yashitendo shimo shaishaliya, kwavanu uti kundyumilila kuvalangiligwa ishaliya iidanavo shingumi.

I Vakolintu 5:7

Ushanianga nkukumuku wakala pakulota muve likamu lyaambi kenga mwiu hamuve nkukumuku mwaa ngandolo wetu wapasaka Klistu jo, vaninshinda.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 2:13

Kanji napane nkati mumwe Klistu Yesu, mwenu mwe muvéle kushu munditadya muvé pepi kwaindila yamyadi vimwe Klistu.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,