Valoma 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Valoma 2:4 交叉引用

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Valoma 3:25

Nae jo, Nnungu andimumya kenga shadaka shakudimanga shitundi shake kwamyadi vyake kwaindila yalikulupililo kwambangidya dashi ililodye ishaliya yake mwaa kwaupole wake, andíleka madambi akunyuma

II Patulu 3:15

Mmakumbukililo enu muvalangilila doni, upole umwe Umu wetu unkwidanavo kwambola. Namomo nung'unumunu wakunagwaleka Paulu animwandikila mwenu vyovyo kwodanavo limanyilo lyapatile,

Valoma 11:33

Aa, umbala ukumene wamali, limanyilo na umanyimanyi wake Nnungu! Kukamadyanga dashi kukodyakodya wamushi wake na kukamadyanga dashi kumanya dindila dyake!

Valoma 11:22

Napavedoni, lola litananilo na ukali wake Nnungu: ukali kwa avalá vagwíle na litananilo lyake Nnungu kwako wako ikava kenga undauka mushu mulitananilo lyake; ikanavadavo, nawako momo vandakulumula.

Vaepeshu 2:4

Napane Nnungu wakuumbaligwa shididi, kwalinagwaledyo lyake likumene lyatunagwaladidye,

II Patulu 3:3

Shitandi manya doni, mumaduva amwisho vandaumilila vakuliula valóta kupita vanniula vaodedya malotelo ave vo vene

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.

I Timoti 6:17

Kwavatajili vawakati au, valaililile havanalyone, havanavike lilindilililo lyave mumali ákakulupilika kanji vavike lilindilililo lyave kumwe Nnungu átupa uti kwabila kulakalela kwalipuwilo lyetu.

Vapilipo 4:19

Nnungu wangu andalinganianga uti avilá vyamulota kwautajili wavenavo mulishangelo nkati mumwe Klistu Yesu.

Maono 3:20

Lola, ndiimila pannango ninkundandonda lwidi. Ikava kenga munu anaigwa lidi lyangu na kushimula, mwiu nangu ndainjila nng'ande mwake na ndalyanavo pamo.

I Timoti 1:16

Kanji shitádya ngwanangiligwe shididi ni ashi: kwambangidya dashi, nkati mwangu nangu ninkútega wakumamodya, Klistu Yesu alilodye upole wake uti kenga mpano kwa avalá valóta kunkulupila kwashingumi shíkamalilika.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

Valoma 6:1

Napanelo tuushidashi? Da tuke mushu tupagwa mulidambi kwambangidya umonyo wake Nnungu wanjadyeke?

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Valoma 10:12

Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

II Vakolintu 8:2

Doni, nkati mumauvilo oe, kuumbaligwa kwalipuwilo lyave na ungave-pashinu wakumamodya wave, undipakatika utajili wakujaula kwaupande wave.

II Patulu 1:11

Mwaa kwainamuna ai mwenu mundapata aki yakwinjila kwabila kundingadinga shoeshoe muutawala úkamalilika umwe Umu wetu na Mwamboli Yesu Klistu.

Maono 2:21

Nangu nimupa wakati wakulota alijugulange kulavalava kwake kanji nae hatamwa.