Valoma 14:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Kwaing'ano ai, Klistu andipela na andidyuka kwambangidya dashi, nae ave Umu ata ikava kwavakupela kwali kwavangumi.

Valoma 14:9 交叉引用

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Lukashi 24:26

Da haimmaikidile Klistu auvauvange atwale ainjile mulishangelo lyake?”

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Vitendo 10:42

Nae wetu anditutuma tuvalangange ntenga kwavenentete na tumye ushuda kenga nae Nnungu andimupa madalaka akuva nkúukumu wavangumi na vapadíle.

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

I Patulu 4:5

Kanji vanavo vandaitikanga kumwe aijá áve tayali kuvaukumu vangumi na vapadíle.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

II Vakolintu 5:14

Mwaa linagwaledyo limwe Klistu linkututawala mwaa tundiwikila pamwisho kenga jumo andipela kwamwaa wavanu uti, nadoni uti vandipela.

Vitendo 10:36

Kwaupande walilove lyatumididye nae kwavanaishilaeli livalangánga ntenga wambone waamani kwaindila imwe Yesu Klistu àvele Umu wavanu uti,

Maono 2:8

“Njelo waliganisha lya ku Eshimilina mwandikile, ‘Ala ni malove amwe aijá Nantandi na Wamwisho, e apadíle kutwala kunama:

Nshuwau 12:24

Ninkumwaulila mwiu mwiu doni, imbeju yangano painagwilila pai ikanawa, ivalela momo. Napane ikawa, indápa vyepo vyoe.

Valoma 10:9

Mwaa ikava kenga wako undaang'ula kwaikanywa yako kenga Yesu ni Umu na undakulupila kwantima wako kenga Nnungu anindyuwa pakati pavakupela, undaambwalegwa.

I Vateshalonika 4:14

Mwaa ikava kenga tunkukulupila kenga Yesu andipela kutwala kudyuka nimumo momo tunkukulupila kenga uti avalá valéle nkati mumwe Yesu, Nnungu andavaidanavo pamo namu nae.

I Vateshalonika 5:10

ápadile kwamwaa wetu kwambangidya ata tukava mevo kwali tukalala, tuname namu nae.