4 Da wako unyani wakumuukumu ntumika wamunu junji? Avi amanya jo mwene nang'olo wake ikava kenga andaimila kwali andagwa. Nae andaimila mwaa Umu ankuulula kuntadya aimile.
Leka apo, wako umunu unyani wakutaukananga namu Nnungu? Da inkuululika ashilá shavaumbile kutwala kumwaulila aijá áumbile doni, “Mwaa shani unguumbile doni?”
Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,
Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.
Aijá álya vinu uti hanamwiludyange aijá ákalya na aijá ákalya, hanamuukumu aijá álya mwaa Nnungu animpwashalela.
Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika
Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.
Napanelo ikava kenga Nnungu andivapa vanavo inudyo yoyo yatupele wetu patunkulupidile Umu Yesu Klistu, kushi nangu nikandyulula kwimidya madengo ake Nnungu?”
Na ata vanavo vakanauka mushu muungakulupila wave, vandanamatiligwa mwaa Nnungu ankuulula kuvanamatidya kavili.
