Valoma 13:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Tandedya vinu avi umanya wakati au do, isaa yakutakatuka wako mulwono indiwika mwaa kwambolegwa kwetu kuvelé pepi namene kupunda wakati aulá watuukile ndakulupila kunantandi.

Valoma 13:11 交叉引用

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

Vaepeshu 5:14

mwaa uti avilá vyúka ndatadya vyaneke ni lilangadyo. Ni ashi shitádya itangaleke doni, “Imuka wako úlala, takatuka pakati pavakupela na Klistu andakumulikila.”

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

Maono 22:20

Aijá áumya ushuda wavinu avi ankushidoni, “Elo ninkwida ambi popa.” Ame. Ida Umu Yesu!

Lukashi 21:28

Pavilota kutandeka vinu avyo, mwenu takatukanga mwimilange munyanyulile vilaka kuwa mwaa kwambolegwa kundivandika.”

Maono 22:12

“Lola, ninkwida ambi popa! Dinudyo dyangu dyangwidanavo ndamupa kula munu kwodananavo shimadengo shake.

I Vakolintu 10:11

Avi uti napane vanavo vindivatandeka kenga mpano na vindyandikigwa pakulota kutuduma wetu túnama wakati au wamwisho.

Mateu 16:3

Namomo linyeiku muushidoni, ‘Nelo indatonya imbula mwaa maundi andikunduvala na lyundi lindidimbya.’ Mmanu mmamalambi mwe! Mwenu munkumanya kujavanianga vyamwona kumaundi napanelo munkutatakela kujavanianga vimanyikilo vyawakati.

Tiyagu 5:8

Namwenu momo ava mmanu mmakulipililila na mmakunonowanga mitima vyenu mwaa kwida kumwe Umu, kundivandika.

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.

II Patulu 3:11

Napanelo kwoda vinu uti vindatimbikanga, mwenu po immaikidile muname shinamidyo shani? Immaikidile muname shinamidyo shakwilimyanga na shakunjopa Nnungu

I Nshuwau 2:18

Mmanavangu, au ni wakati wamwisho. Mo mwamwigwididye kenga mmongo wake Klistu andaida, bai vamongo voe vamwe Klistu vandyumilila tayali, napavedoni tunkumanya kenga au ni wakati wamwisho.

Maono 1:3

Andyalaligwa aijá áshomya na vandyalaligwa avalá vaigwilíla malove amaono ala na kuvikila kuntima vinu uti vyandikíke; mwaa wakati undivandika.

Maono 22:10

Kutwala kavili kushidoni, “Haunapiyapiyange malove amaono amulibuku ali mwaa wakati undivandika.