Valoma 11:32 - Ibibiliya mu Shimakonde Imbodi Yaambi na dimbande dya Imbodi Yakala

³² Mwaa Nnungu andipangila uti kwaungaigwilila pakulota uti avaanangile shididi.

Valoma 11:32 交叉引用

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Valoma 3:9

Napane tuushidashi? Da wetu tuvayuda ni túvapunda vanu vanji? Mene, ata padyoko! Mwaa ndivalanganga tayali doni vayuda pamo namu vamidi uti vankupagwa mukutawaligwa na lidambi

Valoma 3:22

doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

Nshuwau 12:32

Napane nangu pavalota kungunyanyulidya kushanya mushilambo amu, vanu uti ndavashombela kwangu.”

Nshuwau 1:7

Nae aidilé ndava nshuda wakuumidya ushuda lilangadyo pakulota kwaindila yake nae vanu uti vakulupile.

Valoma 5:19

Mwaa nimumo momo kwaindila yaungaigwilila wamunu jumo, voe vanditadya kuva vakutega, namomo kwaindila yakwigwilila kwamunu jumo, voe vandatadya kuvalangiligwa ishaliya.

Valoma 11:31

namomo vanavo vankuva vákaigwilila pakulota kwaindila yashididi shavannadidye mwenu navanavo vapate kwanangiligwa shididi.

Vagalata 3:23

Likulupililo likanava kuwika, tushindashungigwa mulilamulo, tùngwidye mpaka likulupililo alilá palyukile ndaunukuligwa.