Valoma 1:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 1:7 交叉引用

Vakoloshu 1:2

kwavakwilimyanga na kwavakukulupilika vanung'unumunu nkati mumwe Klistu vápagwa ku Koloshu. Umonyo upagwe kwenu mwenu na amani vyakwalakela kumwe Nnungu Tatagwetu.

Vaepeshu 1:2

Umonyo upagwe kwenu mwenu na amani yakwalakela kwa Nnungu Tatagwetu na kumwe Umu Yesu Klistu.

I Vateshalonika 1:1

Paulu, Shilivanu namu Timoti kwaliganisha lyavateshalonika lìvele nkati mumwe Nnungu Tatamunu namu Umu Yesu Klistu. Umonyo upagwe kwenu mwenu pamo na amani.

II Vakolintu 13:14

Umonyo umwe Umu Yesu Klistu, linagwaledyo lyake Nnungu na upamo wa Imumu Wanashwe vipagwe namu mwenu uti.

II Nshuwau 1:3

Umonyo, shididi na amani vyakwalakela kumwe Nnungu Tatamunu na kumwe Yesu Klistu Mwana wa Tatamunu, vindapagwa namu wetu nkati muumwiu na mulinagwaledyo.

Pilemoni 1:3

Umonyo upagwe kwenu mwenu pamo na amani vyakwalakela kumwe Nnungu Tatagwetu na kumwe Umu Yesu Klistu.

II Vateshalonika 3:18

Umonyo umwe Umu wetu Yesu Klistu upagwe namu mwenu uti.

II Vateshalonika 3:16

Napanelo jo mwene Umu waamani amupe amani muwakati uti na mudinamuna uti. Umu apagwe pamo namu mwenu uti.

Maono 22:21

Umonyo umwe Umu Yesu upagwe na mwenu uti. Ame.

Pilemoni 1:25

Umonyo umwe Umu Yesu Klistu upagwe pamo na imumu yenu.

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

I Patulu 1:15

Kanji napane aijá ánshamile jo ni Wakwilimyanga, nimumo momo namwenu momo ava mmakwilimyanga nkati mushinamidyo shenu

Titu 1:4

kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

II Timoti 4:22

Umu apagwe pamo na imumu yako. Umonyo upagwe namu mwenu.

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Timoti 1:2

kumwe Timoti mwanangu waumwiu nkati mulikulupililo. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Vateshalonika 5:28

Umonyo umwe Umu wetu Yesu Klistu upagwe na mwenu.

I Vateshalonika 4:7

Mwenu, Nnungu hatushamile kwaushapu kanji mukwilimyanga.

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

Vakoloshu 3:12

Napavedoni kenga mmenentete mmakutandalegwa vake Nnungu, mmakwilimyanga na mmakunagwaleka, gwala shididi shamuntima, kutanana, kulishapeya, upole na kulipililila.

Vapilipo 4:23

Umonyo umwe Umu wetu Yesu Klistu upagwe mushingumi shenu.

Vapilipo 4:20

Kumwe Nnungu wetu na Tatagwetu lipagwe lishangelo ngwengwe ngwengwe. Ame.

Vaepeshu 6:23

Amani ipagwe kwavanung'unumunu, namomo linagwaledyo pamo na likulupililo lyakwalakela kumwe Nnungu Atata na kumwe Umu Yesu Klistu.

Vagalata 6:18

Mmanung'unumunu, umonyo umwe Umu wetu Yesu Klistu upagwe na imumu yenu. Ame.

I Vakolintu 16:23

Umonyo umwe Umu Yesu upagwe namu mwenu.

Valoma 9:25

Amu ni kenga mwatangaladile nkati mu Osheya: “Avalá vákavele venentete vangu, ndavashema ‘venentete vangu,’ na aijá ákavele wakunagwaleka, nanshema ‘wakunagwaleka’ ”

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Vitendo 15:23

kutwala kuvapa vaukenavo ibalugwa yavaandike doni, “Vamyombe pamo na vanang'olo vàvele vanung'unumunu, kwavanung'unumunu avalá vamidi vapágwa disemu uti dya ku Antiyokiya, ku Shiliya na ku Kilikiya, mumpate nandele.

Vakoloshu 3:15

Doni, amani imwe Klistu ave nkwángangola mmitima myenu mwaa kwaamani mwenu mundishamegwa kwamili umo na muve mmakulambwalela.

Vapilipo 4:13

Uti ninkuulula kutandedya nkati mwake aijá ángupa dimongo.

Valoma 8:39

i kushanya, i pai na ata kwali shiumbi shoeshoe shilóta kuulula kutwapukanianga na linagwaledyo lyake Nnungu lipagwíte nkati mumwe Klistu Yesu, Umu wetu.

Valoma 1:6

na pakati pavanavo, munkupagwa namwenu momo múshamagwidye muve vamwe Yesu Klistu.

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,

Tiyagu 1:1

Nangu Tiyagu ntumwa wake Nnungu na umwe Umu Yesu Klistu, ninkuntumidya nandele vampate makola kumi na mbili amwadilikanénge muvilambo uti.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Maono 3:22

“Ávenavo matu, aigwe vyatangola Imumu na maganisha.”

Maono 3:14

“Njelo waliganisha lya ku Laudisheya mwandikile, ‘Avi atangola Ame, nshuda wakukulupilika na waumwiu, ntipu wa avilá vyakandyenge Nnungu:

Maono 3:7

“Njelo waliganisha lya ku Piladelipiya mwandikile, ‘Ala ni malove amwe aijá Wakwilimyanga na Waumwiu, ávenavo myungulilo vimwe Daudi. Shaungula nae, hapali wakunga na shaungile nae, hapali wakuungula:

Maono 2:29

“ ‘Ávenavo matu, aigwe vyatangola Imumu na maganisha.’ ”

Maono 2:18

“Njelo waliganisha lya ku Tiyatila mwandikile, ‘Ala ni malove atangola Mwana wa Nnungu ávenavo mevo kenga lilamba lyamoto na madodo ake kenga lyava lyavataile nshasha:

Maono 2:12

“Njelo waliganisha lya ku Peligamu mwandikile, ‘Ala ni malove amwe aijá ávenavo lyambila lyakukola kuvili:

Maono 2:8

“Njelo waliganisha lya ku Eshimilina mwandikile, ‘Ala ni malove amwe aijá Nantandi na Wamwisho, e apadíle kutwala kunama:

I Timoti 6:2

Avalá vavénavo vanang'olo vakukulupila, havanavailudyange kwodamwaa vàkukulupila kanji vavatumike namene kupunda apo mwaa vapáta paida yashimadengo shave shambone ni vakukulupila na vakunagwaleka. Vinu avi pundisha na laililila.

Vitendo 9:13

Ananiya do, “Umu, nangu munu aju ndivaigwanga vanu voe vammalanganga ukalau wake wavatandile nae vakwilimyanga vako ku Yelusalemu.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Valoma 8:28

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

I Vakolintu 1:24

napanelo kwa avalá vashamagwídye ata ikava vayuda kwali vamidi, Klistu dimongo dyake Nnungu na limanyilo lyake Nnungu.

Vapilipo 1:2

Kwenu mwenu upagwe umonyo na amani vyakwalakela kumwe Nnungu Tatagwetu na kumwe Umu Yesu Klistu.

I Vateshalonika 1:4

tumanya mmanung'unumunu mmakunagwaleka mmake Nnungu kenga nae anintandola mwenu

II Vateshalonika 1:2

Umonyo upagwe kwenu mwenu na amani yakwalakela kumwe Nnungu Tatamunu namu Umu Yesu Klistu.