Vagalata 2:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Napanelo Kepashi pawikile pa Antiyokiya nínshashulanga ngala kwamwaa wakutenda makosha.

Vagalata 2:11 交叉引用

I Timoti 5:20

Avalá vatéga vashulange paumbala kwambangidya vanji vo, vajope.

Vagalata 2:14

Bai pangugwene kenga havanauka shana nkati muumwiu wantenga wambone, ndímwaulila nae paumbala doni, “Wako umuyuda kanji unkunama kenga ummidi i kenga muyuda. Napane mwaa shani uvalamulila vamidi vaname kenga vayuda?”

II Vakolintu 5:16

Nadoni kutunduvangila ambi apa hapali watummalangilila kwodananavo shimunu. Ata ikava kenga kunantandi Klistu tushimmalangilila kwodananavo shimunu kanji napane hatunammalangilila shinu kavili davo.

Vitendo 15:1

Napanelo vanu vanji vandyúma ku Yudeya kuka ku Antiyokiya kutwala kutunduvanga kuvapundisha vanung'unumunu vaashidoni, “Mwenu vakanankumula likumbi kenga mwalilatela lidyavalelo lyake Musha, mwiko hamwambolegwa.”

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

Vagalata 2:7

Vanavo valakilé kwanjadedya kutwa kumanya do, ntenga wambone wo, ndikulupiligwa nangu kwavakakumuligwe kenga Patulu kwavakukumuligwa

Vagalata 2:5

Wetu hatulidabadabyénge kuvaigwilila vanavo kulamana na padyoko vela pakulota umwiu wantenga wambone uliikiniye kwenu mwenu.

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

Mateu 16:23

Yesu kushiliuka kushidoni, “Tumuka mushu mwangu Shatwani! Wako ni lijanga lyakungutadya ngulikuvale. Wako haunakumbukila shinu mwakumbukilila Nnungu, ukumbukila mwavakumbukilila vanu.”

II Vakolintu 11:5

Mwenu, hangunalyona shinu ata padyoko vela kuva nindikidiki kwa avalá “vamyombe vakumene.”

Vitendo 11:19

Napanelo vakwoda vakajaikanange mwaa wakupapatigwa kuumilidíle ling'oto lyakumpedya Shiteva, vanji vandíwika mpaka ku Poiniki kutwala vanji mpaka ku Kupulu na vanji kavili mpaka ku Antiyokiya. Kanji mwavashipita mo, lilove lya Nnungu vashivavalangangila vayuda gweka bai.

Nshuwau 1:42

Bai Andaleya akantwala Simoni kumuukanavo kumwe Yesu. Yesu akannola Simoni ndoo, akamwaulila kushidoni, “Wako lina lyako Simoni mwanagwe Nshuwau. Napane kutunduvangila ambi apa vandakushema Kepashi” (Kepashi kwakuvalangangila kunji, Patulu).

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 11:22

Napanelo dyabali dya ku Antiyokiya dindíigwinika na liganisha, lyo lya pa Yelusalemu kutwala vanavo kuntumidya Balinaba koko.

Vitendo 11:27

Mumaduva lolo, vandípagwa vakulava vaumíle pa Yelusalemu kuka ku Antiyokiya.

Vitendo 15:5

Kanji vakukulupila vanji vaishama yamapalishayo vandíimila kutwala kutangola doni, “Vamidi indivavaikila vakumuligwe na tuvalamulile vaodedye Lilamulo lyake Musha.”

Vagalata 1:18

Napanelo vikapite vyaka vitatu, ndyúka ku Yelusalemu nannola Kepashi kutwa kwikanavo maduva kumi na tano.