Vaepeshu 4:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Vanavo muding'anong'ano dyave vankupagwa mushii vavikigwa panda mushingumi sha Nnungu kwamwaa waungamanya upagwíte kwavanavo walakéla nkati mukunanopa kwamitima vyave.

Vaepeshu 4:18 交叉引用

Mateu 13:15

Mitima vyavenentete ava vindinanopa, kwigwa vankwigwa kanji matu ave andidivana, na mevo ave andyulugwala. Leka ikavé davo vakandyona na mevo ave, vakandigwa na matu ave, kwanalela mmitima myave, kutwala kushiliuka na nangu ndikandivaponia.’

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

Nshuwau 12:40

“Mevo ave andivaputadya, mitima vyave andivananopya, pakulota havanalole na mevo na ata mmitima vyave havanaananalele kutwala kushiliuka na nangu kuvaponia.”

I Vateshalonika 4:5

i kwakunshanona ntima kwaushapu kenga vamidi vákammanyite Nnungu.

Tiyagu 4:4

Mmakulavalava! Da hamunamanya shinu kenga kupangana imbodi na shilambo ni umongo namu Nnungu? Álota ave mbwadimunu washilambo, nae ankulitenda kuva mmongo wake Nnungu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vakoloshu 1:21

Kushi mwenu mwe mwapukanénge na mwe muvéle mmamongo mumakumbukililo enu kwamwaa wavitendo vyaukalau,

I Nshuwau 2:11

Kanji aijá ámmangedya nung'unumunu ankupagwa mushii na ankuwena mushii. Nae hanamanya shinu kwauka mwaa shii shinimputadya mevo.

Vagalata 4:8

Mwiu, pamukashimmanya Nnungu, mushitandegwa vatumwa va avalá kwamavalelo havanava shinu vannungu

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Valoma 2:19

wako úlikulupidile gwegwe umwene kuva nanangalaledi wavakalola, lilangadyo lya avalá vavéle mushii,

Malukushi 3:5

Akavalole vanu uti vantang'anadídye avalá kwashitundi akuno àvenavo shipalodi shoe kwamwaa wakunanopa mitima vyave, nae kumwaulila munu jo doni, “Nyalodya nkono wako!” Nae kunyalodya kutwala nkono kuujila kuva ungumi.

II Vakolintu 3:14

Kanji ding'anong'ano dyave dindinanapegwa mwaa ata mpaka nelo inguvo yoyo inkupagwa paishomegwa imbodi yakala. Yanavo indáushika bai nkati mumwe Klistu.

Vitendo 3:17

Mmanung'unumunu, nangu ndimanya kenga mwenu pamo na vakutawala venu munditenda shinu ashi pamukamanya shamutenda.

Valoma 11:7

Napane nyamani? Vanaishilaeli, ashilá shavashilambela havapatile. Shindipatikana namu vakutandalegwa kanji vanji vo vandivananopya mitima

I Vakolintu 2:8

Hapali ata jumo pakati pavakutawala vawakati au ámanyite mwaa leka vàmanyite, havanampambilile Umu walishangelo.

Vaepeshu 2:1

Mwenu po muvele mukupela nkati mukupujungula na mumadambi.

Vabalaniya 5:2

Nae ankuulula kuvatanana vákave limanyilo na vaashalánga kwaupole pakuva jo mwene nanae momo avé mwina muungalyulula.

Vabalaniya 9:7

Kanji isemu yambili ainjila gweka nkúlangalalela-shadaka nkumene, jojo jo ainjila mwanda umo kwamwaka. Painjila po, hanainjila bila myadi vyakumuumidya Nnungu kwamwaa wake jo mwene na kwamwaa washimadambi shavatandile venentete kwabila kulimanya.

I Patulu 1:14

Kenga mmana mmakwigwilila, hamunaname mumalotelo lolo awakati aulá waungamanya.