Vaepeshu 4:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vaepeshu 4:14 交叉引用

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Nshuwau 4:1

Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

Tiyagu 1:6

Anjugwe nae kanji kwalikulupililo kwabila kwambambidya mwaa aijá áambambidya jo, ankuva kenga liwimbi lyamwimanga línatwaligwa na kugang'alegwa kwaimepo.

Vaepeshu 6:11

Gwalangila vyaing'ondo uti vimwe Nnungu pakulota muulule kwimila mupinga mitego vimwe Ndamoni

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

II Timoti 4:3

Mwaa undawika wakati wavakalota kulipililila vanu mapundisho mangumi kanji vavanavo matu akunyang'anyang'a, vandalyumbadidya vamwalimu kwodananavo ditamaa dyave vo vene.

Yudashi 1:12

Vanu avo vankuva kenga vyongo muvikukulu vyenu vyalinagwaledyo vyamutenda valya namu mwenu kwabila ishima. Vovo vo, ni vakushunga valilísha vo vene. Maundi ákave imbula akunguluka na imepo; milandi víkapa vyepo muwakati uvaikidíle, vibubulígwe na vipadíle myanda mivili;

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Vagalata 3:1

Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

Mateu 24:11

Vandaumilila vakulava voe vakushang'apa na vovo vo, vandavaduwanga voe.

I Nshuwau 2:26

Vyangumalidile kumwandikila avi ni kwamwaa wa avalá vanduwánga.

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

Mateu 11:7

Napanelo vakwoda vake Nshuwau akuno vauma, Yesu andítunduvanga kumanyiya imbumba yavanu ing'ano imwe Nshuwau aashidoni, “Da mwenu muukile ndalola nyamani kushimbweshe akulá? Muukile ndalola udani úshipunga imepo?

I Vakolintu 12:2

Mundimanya shana kenga pamukashimmanya Nnungu vandimwashadyanga kwavakushang'apa vabubu, mwavantwalidile mo hangumanyite.

Vitendo 23:21

Kanji wako haunalote kushambegwa na vanavo mwaa vapali vanu vakupunda shikonda shavanu kenga alubaini doni, valóta kuvandama vannindile Paulu vammalidye. Vovo vo vandililapa mwiu mwiu kenga havalya na havakumbila shinu shoeshoe pavakanava kummalidya Paulu. Muwakati au vanavo vandilipanganianga uti valindila lilamulo lyako bai.”

I Nshuwau 2:19

Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

Tiyagu 3:4

Namomo lola mpano wadimeli, ata ikava kenga dyanavo ding'umene na kugang'alegwa na imepo ing'umene, dindalangalalegwa na ing'wau idikidiki namene ilodya kwoekwoe kwodananavo malotelo mwalota kwamulila nkútukusha.

I Timoti 3:6

Hanave munu ánshinjiulidile ambi Nnungu kwambangidya hanalyone kutwala kugwa muukumu imwe Ndamoni.

II Timoti 1:15

Wako undimanya doni uti vamulijimbo lya ku Ashiya vaningwambukanga, pakati pave Pigelu namu Elimogeneshi.

I Vakolintu 3:19

Mwaa limanyilo lyashilambo ashi ni ujinga pamevo pake Nnungu. Kenga indyandikigwa, “Nae ankuvapatikanianga valimanyilo nkati muujanja wave.”