Vaepeshu 2:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ aputanga ishaliya yalóka mulilamulo inanapela muvyakulamulila. Nae atandilé davo pakulota vavili ava nkati mwake avatende kuva munu jumo waambi atandedya amani

Vaepeshu 2:15 交叉引用

Vakoloshu 2:14

na àputenge mashauma uti amadeni etu e apagwíte kwetu wetu. Mashauma ala, nae andimalidya akamalela panshalaba,

Vagalata 3:10

Mwaa uti avalá vakulupíla lilamulo vandilanigwa kwoda indyandikigwa doni, “Alaanigwe aijá ákapagwa muvinu avi uti vyandikígwe mulibuku lyalilamulo na vinu avyo me kutandedya.”

Vabalaniya 8:13

Patangola Nnungu yaimbodi yaambi yakala yo nae anditadya ipite na wakati; napane ashilá shipitíle wakati na shikangapéle, asho shinkuka mukulambaleka.

Vakoloshu 3:10

kutwala kungwala munu waambi ádyuwangidya kavili nkati mulimanyilo kwodananavo ing'ope yake aijá ámuumbile.

Vakoloshu 2:20

Ikava kenga mwenu mundipela namu Klistu kwadimumu ditawála shilambo ashi, mwaa shani napane kenga mo mwamushinamila mushilambo ashi munkulivika mwina lilamulo?

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vaepeshu 4:16

Kwaindila yake nae mili uti paulyunganianga na paukamulananga na kula imbandi yavampele, kula imbandi paikola shimadengo muvaikidíle, inátadya mili ukulumuke pakulota ulidenge mulinagwaledyo.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Vabalaniya 7:16

munu ávikigwe kuva nkúlangalalela-shadaka i kwakwoda shilotéka kwalilamulo lyaudukulu kanji kwakwoda dimongo dyashingumi shake shíkaululika kubamolegwa.

Vabalaniya 9:23

Napavedoni indivaikila malodyo avinu vivéle kuwa auke akaushaniangigwe ushapu kwashitendo ashi kanji vinu viu vyakuwa vindaushaniangigwa ushapu kwavyadaka vyamana vyakupunda avi.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 2:14

Mwaa jo mwene ni amani yetu. Nae andivatenda vanu vavili kuva shinu shimo na kwaindila yamili wake andibamola lishiti lyapakati, aulá umongo

Vaepeshu 2:16

na pakulota nae avaunganiange vavili ava mumili umo kwa Nnungu kwaindila yanshalaba amalidya umongo.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Vakoloshu 3:15

Doni, amani imwe Klistu ave nkwángangola mmitima myenu mwaa kwaamani mwenu mundishamegwa kwamili umo na muve mmakulambwalela.