Vabalaniya 8:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Hapali álota kumpundisha kavili nshitanonomwagwe na ata nung'unumunu aashidoni, ‘Mmanye Umu,’ mwaa uti vanavo vanangumanya, kutunduvangila ndyoko na nkulu.

Vabalaniya 8:11 交叉引用

Nshuwau 6:45

Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

Vitendo 8:10

Simoni vanu uti va ku Shamaliya bila kumpambula munu vashindamwishimu namene na vashindatangola doni, “Munu aju ni dimongo dya Nnungu dishamégwa ‘Ding'umene.’ ”