Vabalaniya 12:23 - Ibibiliya mu Shimakonde Imbodi Yaambi na dimbande dya Imbodi Yakala

²³ kuliganisha lyavana vatandi kuvalekwa, vo vaandikígwe mena ave kuwa; mundiwika kwake Nnungu nkúukumu wavanu uti, kudimumu dyavanu vaishaliya ditandégwe kuwikila popo,

Vabalaniya 12:23 交叉引用

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

Vabalaniya 11:40

mwaa Nnungu andivika nnugu wamana kwetu wetu pakulota vanavo pamo namu wetu, tuwikile popo.

Lukashi 10:20

Mwenu hamunapuwange mwaa majini kumwishimu kanji puwanga mwaa mena enu andyandikigwa kuwa.”

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Vabalaniya 9:27

Kula munu andipangigwa kupela mwanda umo tu bai kutwala ling'oto lya apo, kupagwa muukumu.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

I Patulu 2:23

Pavashintukana nae hashipindikula, pashuvauvanga po nae hashivatishanga ila ashinnakela aijá áukumu kwaishaliya.

Vabalaniya 11:4

Kwalikulupililo Abeli andímuumidya Nnungu shadaka shambone-uti kuliko Kaimu. Kwalikulupililo lyake, Nnungu ashindamwimyanga kuva waishaliya paukile ndakubali dinudyo dyake. Nadoni ata ikava kenga andipela, kwaindila yalikulupililo nae mpaka ambi ankutangola.

I Timoti 3:5

Mwaa munu akanaulula kulangalalela ing'ande yake, alota kushunga dashi liganisha lyake Nnungu?

Vapilipo 4:3

Mwiu, namomo ninkukujugwa wako unyangu wakukulupilika nguushidoni, vapwashele vamama ava. Vanavo vandilyuvyauvyanga namu nangu muntenga wambone pamo namu Kalamende na vamadengomwangu vabakadíle vo. Mena ave ankupagwa mulibuku lyashingumi.

Vaepeshu 1:22

Nae andivika vinu uti mmadodo mwake kutwala kunjaula kuva kenga nangangonda wavinu uti kwaliganisha,

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Nshuwau 5:27

na andimupa madalaka akuukumu mwaa nae ni Mwana Wamunu.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Vakoloshu 1:12

munnambwalela na lipuwilo Tatamunu átadidye mupagwe mukumajananga maleko avakwilimyanga mulilangadyo.

II Vakolintu 5:8

Napane tunkuvanavo ntima shii na inkutunagwela tupagwe kushu kwamili na tupagwe kumwe Umu.

I Vakolintu 15:54

Napanelo wakulambaleka paulota kuligwadya ungalambaleka na wakupela paulota kuligwadya ungapela, apo ni palilota kuwikila popo lilove lyandikígwe, “Kupela andimiligwa mukutema.”

I Vakolintu 13:12

Mwenu, ambi tunkwona vila mushilolo kwakudingala kanji mushu mo, tundona mevo kwamevo. Ambi ninkumanya padyoko kanji mushu mo, ndamanya uti kenga mo mwangumanyikila nangu.

I Vakolintu 15:49

Kenga mo mwatulitikila ing'ope yawaulongo, namomo tundalitika ing'ope yawakuwa.

Vabalaniya 2:12

paashidoni, “Ndavalanganga lina lyako kwavanung'unumunu pakati panguguvale, ndakutumbyanga.”

Maono 6:9

Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.

Maono 6:11

Bai vandívapa kula munu ikanju yanashwe na kuvaulila valindile kavili padyoko mpaka itimile ishabu yavatumikamwagwe na yavanung'unumunu valóta kubyaigwa kenga momo mwavabyaigwididye vanavo.