Vabalaniya 10:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Mwenu mundilyunganianga na mauvilo avakungwa, namomo pamushipakanyalegwa vyenu mushindakubali kwalipuwilo mwaa mushindamanya kenga munkuvanavo mali amana ngwengwe.

Vabalaniya 10:34 交叉引用

I Patulu 1:4

na maleko ákatimbikanga, aungave-udagwa na ákadingala avakandidye kuwa kwamwaa wenu.

II Timoti 1:16

Umu alodye shididi shake paing'ande imwe Oneshipolu mwaa myanda vyoe aningutaa dimongo na yakungwa yangu, haanenge dyoni,

Tiyagu 1:2

Mmanung'unumunu, muwakati wamupata malingo akula inamuna ona uti kuva uti lipuwilo

Vabalaniya 13:3

Vakumbukile avalá vaungwídye kenga muungwidye pamo namu vanavo; namomo avalá vauvauvánga kwabila shaliya vakumbukile kenga mwenu momo mmamili.

Vaepeshu 6:20

wo wanguvele nangu baloshi vànguungile mang'unyang'unya, nguvalangangile na ntima washinannume amulá muvaikidíle ngutangole.

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

Vabalaniya 11:16

Kanji leka apo, vanavo vashindalikanyalidya vapate shilambo shamana yani shilambo shakuwa. Napavedoni Nnungu hanona dyoni pashamegwa kuva Nnungu wave mwaa jo mwene andivakandyangidya aulá njini.

I Timoti 6:19

Vakatenda davo, vandalikungailila mali vo vene kenga shitunduvangilo shambone shawakati ulóta kwida kwambangidya vakamulile ashilá shingumi shiu.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vitendo 21:33

Bai nang'olo nkumene wavaing'ondo aijá anímmandika Paulu kutwala kumwaulila kenga avele mmakono mwashilikali na andílamulila vamunge mang'unyang'unya mavili kutwala kudya, “Da munu aju nyani na atandilé nyamani?”

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.

Lukashi 10:42

kanji shilatégwa ni shinu shimo. Ni Maliya átandwele shinu asho shambone, hayululika kumpoka.”

Mateu 19:21

Yesu kushidoni, “Ukalota kuva umunu washalowa-uti wena ukashulushe vyauvenavo uti, njuluku wo uvajavile vákave pashinu. Apo undavanavo libadila kuwa ling'oto wide ungwode.”

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Vitendo 28:20

Ni ashi shitadídye ngujugwangile nimwone na ngwambange mwaa namu mwenu pakuva ni kwamwaa walilindilililo lyavanaishilaeli lyangunyukatila nangu mang'unyang'unya ala.”

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Lukashi 9:25

Da munu alota kupata wambone shani akapata shilambo uti kanji alijaa jo mwene kwali alivikila jo mwene?

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vabalaniya 13:14

Mwaa mushilambo amu, hatuvenavo njini wamaduva oe kanji tunkulindila njini aulá ulóta kwida.