27 Vanavo havashimanya kenga pashivaulila davo ashimwamba Tatamunu.
Aijá wa Nnungu, vyatangola Nnungu anáigwa. Nadoni mwenu hamunaigwa shinu mwaa hamuvele vake Nnungu.”
Da mwenu mwaa shani hamunaigwa shinu vyangutangola? Ni mwaa wamukaulula kwigwa lilove lyangu.
Nindivanavo vyoe vyakutangola na vyakumuukumu mwenu; napane i nangu gweka, aijá ángutumididye ni waumwiu na ashilá shanimwigwite nae ni shosho shanguvalangangila shilambo.”
Yesu kutwala kuvaulila kushidoni, “Pamulota kunnyanyula Mwana Wamunu ni pamulota kungumanya kenga Nangu ni Nene. Nangu hangunatenda shinu vinu vyakubuni nene nimwene; ninkutangola avilá vyangupundishidye Atata bai.
