Nshuwau 17:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Nangu ndivatadya vamanye lina lyako namomo ndauka mushu ndivatadya vakumanye pakulota linagwaledyo lyauvenavo kwangu nangu lipagwe nkati mwave na nangu ngupagwe nkati mwave.”

Nshuwau 17:26 交叉引用

Nshuwau 17:23

nangu ngupagwe nkati mwave, wako upagwe nkati mwangu; vadyavalele muupamo kwambangidya shilambo shimanye doni, wako uningutumidya na unkuvanagwaledya kenga mo mwaungunagwaladyedya nangu.

Nshuwau 17:6

“Nangu nditadya lina lyako limanyike kwa avalá vaungupele mushilambo amu. Vovo vo, vavelé vako kutwala wako kungupa nangu na vanavo vankwigwilila lilove lyako.

Nshuwau 15:9

“Mo mwangunagwaladyedya Atata nangu ninkunnagwaledya mwenu; pagwa mulinagwaledyo lyangu.

Vabalaniya 2:12

paashidoni, “Ndavalanganga lina lyako kwavanung'unumunu pakati panguguvale, ndakutumbyanga.”

Nshuwau 15:15

Haninshema kavili kuva mmatumika mwaa ntumika hanamanya shatenda nang'olo wake; mwenu napane ninkunshema kuva mmavangu mwaa uti vyangwigwite kumwe Atata, nintadya mumanye.

Nshuwau 14:20

Muliduva alyo mwenu mundamanya kenga nkati mumwe Atata ngupali nangu, nkati mwangu mwenu mupali na nkati mwenu, ngupali nangu.

Nshuwau 15:4

Pagwa nkati mwangu na nangu ngupagwe nkati mwenu. Mo mwalukapela lutavi vyepo lwolwene kwabila kupagwa munnandi, namwenu ni momo mukanapagwa nkati mwangu.

Vaepeshu 5:32

Shipii ashi shikumene kanji nangu ninkushidoni shaambíka apa shimwamba Klistu pamo na liganisha.

Vaepeshu 5:30

mwaa wetu ni dimbandi dyamili wake.

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 8:50

Nangu hangunalilambalela shinu lishangelo nene nimwene. Lishangelo alyo, apali álambela; ni jojo áukumu.

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Vakoloshu 2:10

Namwenu momo mundyumbaligwa nkati mwake aijá muti wautawala na madalaka uti.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vaepeshu 3:17

Klistu aname mmitima vyenu kwaindila yalikulupililo kwambangidya mwenu, mulinatela na muliikiniya mulinagwaledyo,

Vaepeshu 1:6

kwakutumbyangilika kwalishangelo lyaumonyo wake watutanene nkati mumwe Wakunagwaleka.

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

I Vakolintu 12:12

Doni, kenga mo mwauvalalele mili umo na wanavo unkuvanavo dimbandi dyoe na dimbandi adyo ata dikava dyoe, dyanavo dinkuva mili umo, nimumo momo mwaivalalele kumwe Klistu.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Valoma 8:10

Napane ikava kenga Klistu ankupagwa nkati mwenu, kwaupande unji mili undipela kwamwaa walidambi kanji kwaupande unji Imumu ankwing'a shingumi kwamwaa waishaliya.

Nshuwau 6:56

Aijá ámamena mili wangu na kukumbila myadi vyangu, ajo ankunama nkati mwangu na nangu kunama nkati mwake.

Nshuwau 17:8

mwaa lilove lyaungupele, nangu ndivapa na vanavo vandipwashalela; vandimanya mwiu kenga nangu ngwalakadilé kwako na vandikulupila kenga wako uningutumidya.