14 Mwenu ni mmavangu mukatandedya avilá vyaninnamulila nangu.
Aijá átandedya mwalatela Atata ávele kuwa, ajo ni mwanetu, numbwangu na ajala.”
Amu ni mwatunnagwaladyedya Nnungu kwaupande wetu: patwigwilila malamulo ake na malamulo ake lo, hanaidopa shinu.
Nadoni andiwikila popo Maandiko atédoni, “Abulaamu aninkulupila Nnungu, likulupililo lyolyo, Umu jo animmalangilila Abulaamu kuva ishaliya;” nadoni nae andíshamegwa kuva mbwadigwe Nnungu.
Munu ávenavo malamulo angu na áigwilila, ajo ni ángunagwaledya. Jo ángunagwaledya nangu jo, Atata anannagwaledya na nangu nannagwaledya kutwala kulilodya kwake.”
“Mukangunagwaledya, malamulo angu mundaigwilila
“Nangu mwenu mmavangu ninkumwaulila doni, hamunanjope munu ábyaa mili kutwala mene kuvanavo munji mwakuntandela
Napane ikava kenga mundimanya vinu avi, mundaalaligwa mukatandedya.
Bai jujumunu andívaulila avalá vatumika vapaing'ande doni, “Vinu uti vyalota kumwaulila, mwenu tandedya.”
Mundigwa vyanimwaulidile kenga ninkuka na namwidila kavili. Leka mùngunagwaladidye, mukandipuwangila ing'ano yakuka nangu kumwe Atata mwaa nae ni nang'olo kungupunda nangu.
