25 “Vinu avi nangu nimwaulila panishipagwa namu mwenu
Ninkumwaulila kaladavo vikanava kutandeka pakulota pavitandeka po, mwenu mukulupile kenga Nangu ni Nene.
“Nangu ninkuvanavo vinji vyoe vyakulota kummanyiya ila ambi apa, hamulipililila.
Nangu nimmalangangila vinu avi pakulota lipuwilo lyangu lipagwe nkati mwenu na lipuwilo lyenu, liwikile popo.
Vinu avi ninkumwaulila kaladavo vikanava kutandeka pakulota pavitandeka po, mukulupile.
Aijá ákangunagwaledya, malove angu hanaigwilila. Mwenu! Malove amwigwite, hanava shinu angu; amwe Atata ángutumididye.
napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.
