Mateu 8:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Mateu 8:29 交叉引用

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Lukashi 4:34

aashidoni, “Iya! Yesu wa ku Nashaleti, da wetu po tukukawadidyé nyamani? Widilé ndatubamola? Nangu ndikumanya shana wako jo. Wako ni Wakwilimyanga wake Nnungu.”

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.

Malukushi 5:7

kutwala kutangola pashanya po aashidoni, “Wako Yesu mwanagwe Nnungu Wapashanya-uti, da wako namu nangu shako nyamani? Ninkukujugwa pamevo a Nnungu, haunangupe shaushanga.”

Lukashi 8:28

Nae akamwone Yesu andíkutakutanga kugwilangila mmadodo mwake kutwala kutangola pashanya po aashidoni, “Yesu mwanagwe Nnungu Wapashanya-uti, da wako shako nyamani kumili kwangu? Ninkukujugwangila haunanguvyauvyange!”

II Patulu 2:4

Mwenu, ikava kenga Nnungu havavikidíle shitete vanjelo vatagíle ila andivajela kushena akulá kwakudimba kwavavaungile mang'unyang'unya kwambangidya vavakondye valindila ukumu;

Mateu 4:3

Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

Nshuwau 2:4

Yesu kutwa kushidoni, “Da wako namu nangu shako nyamani? Wakati wangu haunava kuwika.”

Lukashi 4:41

Namomo majini ashindaumananga mumili mwavanu voe akuta aashidoni, “Wako, umwana wa Nnungu!” Nae ashindavashulanga, hashivaleka vatangola mwaa vanavo vanímmanya doni, nae avele Klistu.

Yudashi 1:6

Namomo vanjelo vakanyalidíle sheo shave vo vene bai vandíleka mautu ave, nadoni Nnungu andivakondya kushii vàvaungile mang'unyang'unya ákamalilika pakulota vaukumigwe muliduva alilá likumene.

Vitendo 16:17

Nae amwoda Paulu namu wetu ashindakugwanga pashanya po aashidoni, “Vanu ava ni vatumika vake Nnungu Wapashanya-uti; vankummalangangila indila yakwambola.”

Malukushi 3:11

Vanu vamajini mashapu ngwengwe pavashimwona Yesu, majini lo ashindanguguvalila kutwala kukugwa pashanya po aashidoni, “Wako Umwana wa Nnungu.”

Mateu 8:30

Napanelo mwakushu padyoko shindípagwa shipinga shikumene shavanguluve shíshipita shilya.