Mateu 27:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ aashidoni, “Nditega. Nditadya vijaike myadi víkave makosha.” Vanavo kushidoni, “Wetu shetu nyamani? Mwaa awo wako wako umwene.”

Mateu 27:4 交叉引用

I Nshuwau 3:12

Hatunave kenga Kaimu munu umwe nkalau ámpadidye nung'une. Mwaa shani animpedya? Mwaa Kaimu vitendo vyake vivele vyashikalau na vyannung'une kuva vyaishaliya.

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

Titu 1:16

Vanavo vankulivalanganga kummanya Nnungu kanji muvitendo vyave, vankumwita. Vovo vo ni vanu vakunyatilika, vákaigwilila na vákapai kwakula shimadengo shambone.

I Timoti 4:2

kwamalambi avakushang'apa vavénavo makumbukililo amuntima aanyóka.

Valoma 3:19

Napane wetu tundimanya kenga uti vitangóla mulilamulo vinkutangola kwa avalá vatawalígwa na lilamulo kwambangidya dashi, dikanywa uti dimalale na shilambo uti shikapagwe muukumu yake Nnungu

Vitendo 13:28

Ata ikava kenga havangwene likosha lyakupalela, vanínjugwa Pilatu pakulota abyaigwe.

Nshuwau 19:7

Vayuda vandíjang'ula, “Wetu tunkuvanavo lilamulo na kwodananavo lilamulo ali, nae inimmaikila apele mwaa andilivalanga kuva Mwana wa Nnungu.”

Lukashi 23:47

Napanelo nang'olo wavaing'ondo pagwene vinu vitandéke avilá, andímupa lishangelo Nnungu aashidoni, “Munu aju mwiu avele waishaliya.”

Lukashi 23:41

Wetu apa tunkupata mauvilo ala kwashaliya mwaa tunkuukumigwa kwodana na vitendo vyetu. Kanji aju apa hashipali shakunyata shatandile.”

Lukashi 23:22

Pilatu kutangola kavili mwanda wantatu kushidoni, “Da munu aju atandilé shakunyata shani? Nangu namwona likosha lyakupalela nae; ndalamulila vanshape viboko ngutwale ninneke.”

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Mateu 27:19

Namomo Pilatu àikele palibengi, ndyagwe kumpalakadyedya ntenga wakushidoni, “Haunaliinjidyange mumwaa wamunu ajo waishaliya. Nangu nelo nindyuvauvanga namene ngulatanga kwamwaa wake nae.”

Maono 11:10

Vanu vanáma mushilambo shapai vandapuwanga kwamwaa wave, vandatenda shikukulu na vandajaulanila vibuku. Mwaa vakulava vovo vo, vandivaangaishanga namene vanu vanáma mushilambo shapai.