Mateu 24:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Muwakati wowo nae andavatumidya vanjelo vake vaditalumbeta dyakuma namene vauke vakavatwalange vakutandalegwa vake mudisemu nsheshe dyamushilambo kutunduvangila nkono unji wakuwa ndamalilila nkono unji.

Mateu 24:31 交叉引用

I Vateshalonika 4:16

Mwaa jo mwene Umu andashuluka kwaloka kuwa na lidi lyadimongo, lidi lyanjelo nang'olo, lidi lyalipalapanda lya Nnungu na avalá vapadíle nkati mumwe Klistu, vandava vatandi kudyuka

Malukushi 13:27

Kutwala nae andavatuma vanjelo avalá vauke vakavatwalange vakutandalegwa vake mudisemu nsheshe dyamushilambo kutunduvangila kumwisho kwake shilambo shapai mpaka kumwisho kwake shilambo shakuwa.

I Vakolintu 15:52

muwakati umo tu, kulola na kuunidya palilota kuma lipalapanda lyamwisho. Mwaa lipalapanda lindauma, vakupela vandavadyuwa kuva vákapela na wetu tundajaluwangigwa.

Mateu 13:41

Mwana Wamunu andavatuma vanjelo vake kutwala vanavo kukungailila pamo muutawala wake avilá uti vitádya lipagwe lidambi na avalá uti vatandédya ungave-lilamulo.

II Vateshalonika 2:1

Kwaing'ano napane yakwida kumwe Umu wetu Yesu Klistu na yakukumbuligwa kwetu kwake, tunkunjugwa mmanung'unumunu

Vaepeshu 1:10

kenga nnugu wakulota kutandeka wakati ukawikila popo pakulota aunganiange vinu uti nkati mumwe Klistu, vinu vivéle kuwa na vinu vivéle pai.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

Maono 7:1

Napanelo vikapite avyo, ndívona vanjelo nsheshe vàimilenge mumatununa nsheshe amushilambo vàkamwile dimepo nsheshe dyamushilambo vadivilila kwambangidya hadinapungile shilambo, ata imanga na ata nnandi woewoe.

Maono 8:2

Napane ndívona vanjelo saba vàimilenge mushu mwake Nnungu na vavapa mapalapanda saba.

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Mateu 24:22

Leka Umu akapungwile maduva alo hanapagwe ata munu jumo e akambwalégwe, napane kwamwaa wavakutandalegwa, maduva lo, andipungula.

Maono 11:15

Njelo wasaba andyómba lipalapanda kuwa ko kwigwinika madi adimongo ashishidoni, “Utawala wamushilambo shapai, ambi apa uvelé mmakono mwa Umu wetu jo Klistu wake; nae andatawala ngwengwe ngwengwe.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Maono 1:20

Shipii shadinondo saba dyaugwene munkono wangu wakunkanakono na shipii shaditaa saba dyashaabu, mana ake ni ala: dinondo saba ni vanjelo vamaganisha saba na ditaa saba dyashaabu ni maganisha saba.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 24:32

“Napanelo kwankungu lipundishe nkong'o au. Paunaipukila mwenu mumanyinneu doni, shipondo shindiwika.

Vabalaniya 12:19

lidi lyalipalapanda na lidi lyamalove atadídye vaigwíte vo vajugwe doni, hatutamwa kwigwa kavili