19 Napanelo ndímwona lidimu, vaumu vamushilambo pamo na vaing'ondo vave vàkadyanienge pakulota kuntenda ing'ondo aijá ánkwadile punda pamo na vaing'ondo vake.
Napanelo dimumu nnatu dyamajini adilá dindívakumbulila pamo vaumu palyutu lyavashema mushibalaniya Alimagedoni.
Adyo ni dimumu dyamajini ditenda vimanyikilo. Vovo vo vankuvaukila vaumu vammilambo uti kutwala kuvakumbulila pamo kwambangidya vatende ing'ondo muliduva likumene limwe Nnungu Wadimongo-uti.
Vaumu vamushilambo vatandíle vyawendi namu nae na kunama shinamidyo shaditamaa, vanannilangila pavalota kwona lyoi nae atikinyuka, vanannilangila na kuntangadikangila.
Njelo wantatu andívaatika avalá vatandi átangola pashanya po aashidoni, “Ikava kenga munu andalipudya kwa aijá lidimu, lishinamu lyake na kuvikigwa numalu pashenye kwali munkono,
Napanelo pavamalila ushuda wave, lidimu wakwalakela ku Litavaleva andavatenda ing'ondo kutwala kuvatema na kuvabyaa.
Vanji uti vandíbyaigwa na lyambila limwe aijá ánkwadile punda, lyambila lyolyo lyumíle nkanywa mwake. Bai malembo uti vindívakamila vitumbo kwamwaa wadinyama dyave.